Ил Дархан Айсен Николаев Telegram ханаалыгар этэрээт Саха Сиригэр төннүбүтүгэр үөрэрин уонна киэн туттарын эттэ. «Биһиги байыастарбыт анал байыаннай эпэрээссийэ кэмигэр туруоруллубут соруктарын чиэстээхтик толордулар. Кыргыһыы толоонугар хаалбыт аҕыс боотурдар биһиги өйбүтүгэр-санаабытыгар өрүү тыыннаах буолуохтара. Кинилэр дьиэ кэргэттэрин, чугас дьонун соҕотох хаалларыахпыт суоҕа. Биһиги байыастарбыт бары - эр санаа, чиэс, хорсун быһыы холобурдара. Саха Сирэ, Арассыыйа эһигинэн киэн туттар!», — диэн эбэн эттэ.
Санатар буоллахха, тустаах этэрээт анал байыаннай дьайыы зонатыгар от ыйыгар барбыта. Саха Сирин 90 байыаһа “Барс” иккис этэрээккэ холбоһон, Харьковскай уобаласка үс нэһилиэнньэлээх пууҥҥа сэриилэспитэ.
Баҕа санаа өттүлэринэн таҥыллыбыт "Боотур" этэрээт хамандыыра Александр Колесов кэпсиир:
“Биһиги бүгүн 13 буолан көтөн кэллибит. Үс уолбут хааллылар, кинилэр биир бааһырбыт уолу сэтинньи 4 күнүгэр аҕалыахтара. Бииргэ сулууспалаабыт уолаттарым туруктара үчүгэй. Бары кэтэһиилээх дойдубутун көрөөрү долгуйабыт, оттон маннык көрсүбүккүтүгэр үөрүүбүт икки бүк үрдээтэ”.
-
1
-
0
-
0
-
0
-
0
-
0
