«Саха Ѳрѳспүүбүлүкэтин наукатын уонна технологияларын 1000 лиидэрдэрэ» бырайыагы олоххо киллэрэр, наука каадырдарын бэлэмниир үлэни күүскэ ыытар, эдэр учуонайдары, талааннаах ыччаты, итиэннэ фундаментальнай науканы өйүүр кэм кэлбитин Ил Дархан бэлиэтээтэ.
Ол курдук, 5 мѳл. солк. суумалаах эдэр учуонайдарга уонна исписэлиистэргэ анаммыт граннар олохтоммуттар, онтон билигин 500-түү тыһ. солк. суумалаах 10 грант көрүллэн турар. Өрөспүүбүлүкэ бырабыыталыстыбатыгар кэлэр сылтан 750 тыһ. солк. суумалаах 20 грант олохтонуохтаах.
Кѳрсүhүүгэ буолбут киэҥ дьүүллэhии кэмигэр наука боппуруоһунан өрөспүүбүлүкэ уонна былаас органнара, ол иһигэр муниципальнай былаас ыкса дьарыктаналлара наада диэн этилиннэ.
Сүрүн ситиһиилэринэн «Саха Ѳрѳспүүбүлүкэтин научнай-технологическай сайдыыта» судаарыстыбаннай бырагырааманы олоххо киллэрии, аан дойду таһымнаах «Север» эрэгийиэннэр икки ардыларынааҕы научнай-үөрэтэр киини тэрийии ааттаннылар.
Ил Дархан көрсүһүү түмүгүнэн наука уопсастыбаннаһын кытары бииргэ Саха Сиригэр тиһиктээх чинчийии бырагыраамаларын үhүс түһүмэҕин саҕалыырга, СӨ Баһылыгын эдэр учуонайдарга, исписэлиистэргэ уонна устудьуоннарга граннарын 15 мөл. солк. диэри үрдэтэргэ, өрөспүүбүлүкэҕэ уонна ѳрѳспүүбүлүкэ тас өттүгэр наука каадырдарын бэлэмнииргэ туhуламмыт «Саха Ѳрѳспүүбүлүкэтин наукатын уонна технологияларын 1000 лиидэрдэрэ» бырайыак үлэтин саҕалыырга сорудахтаата.
-
0
-
0
-
0
-
0
-
0
-
1
