“Куонкурус иккис төгүлүн ыытыллар. Сүрүн сыалынан оҕолорго информационнай технологиялары туһанан бырайыактыыр, инновациялыыр дьоҕурдарын сайыннарыы. Быйыл куонкуруска оскуолалар, уһуйааннар уонна эбии үөрэхтээһин тэрилтэлэрэ кытыннылар. Маҥнайгы түһүмэххэ Нерюнгриттан, Мииринэйтэн, Алдантан, Бүлүүттэн, Горнайтан, Намтан, Сунтаартан, Уус Алдантан, Хаҥаластан, Чурапчыттан уонна Дьокуускайтан 32 сайаапка киирбитэ. Бастыҥ 20 бырайыак иккис түһүмэххэ сүүмэрдэннэ”, - диэн куонкурус тэрийээччитэ, СӨ инники көлүөнэтин сыаллаах пуондатын генеральнай дириэктэрэ Владимир Егоров кэпсиир.
Акселерационнай бырагыраама чэрчитинэн кыттааччылар Дьокуускай куорат инновационнай кииннэригэр уонна технопааркаларыгар сылдьыахтара. Муус устарга акселератор кыттыылаахтара бырайыактарын кэтэхтэн ситэриэхтэрэ, маныаха куонкурус экспердэрэ сүбэ-ама биэриэхтэрэ. Ыам ыйыгар бырайыактар экспертизалара, бэс ыйыгар түмүктүүр көмүскээһин уонна кыайыылаахтары наҕараадалааһын ыытыллыахтара. Кыайыылаахтар бырайыактарын олоххо киллэрэргэ граннары сүүйүөхтэрэ.
Даҕатан эттэххэ, “Инносфера 2023” куонкурус СӨ инники көлүөнэлэрин сыаллаах пуондатын 2021-2025 сс. “Инники туһугар” сыаллаах бырагырааматын чэрчитинэн 2022 сылтан ыытыллар.
-
0
-
0
-
0
-
0
-
0
-
0