«Бүгүн дьокутааттар бу боппуруоска бэйэлэрин быыбардааччыларын ааттарыттан эппиэтинэстээх быһаарыы ылыахтара», - диэн суруйда бэлиитик.
Бастаан бары фракцияларга Бырабыыталыстыба бэрэссэдээтэлигэр хандьыдааты дьүүллэһии ыытыллыаҕа, оттон 14:00 чаастан Госдуума пленарнай мунньаҕа саҕаланыаҕа, быһа холбонууну «Дума ТВ» ханаалга көстүөҕэ.
«Хандьыдааты дьүүллэһии кэмигэр Путин туруорбут соруктара хайдах быһаарыллыахтарын туһунан ыйытыыларга хоруйдары ылыы биһиэхэ улахан суолталаах», - бэлиэтээтэ В. Володин. Кини этэринэн, чуолаан демографическай бэлиитикэ, дьон олоҕун таһымын үрдэтии, оҕолоох ыаллары өйөөһүн, ыччат бэлиитикэтин олоххо киллэрии, технологическай сүбүрүнүтүөтү бөҕөргөтүү, эрэгийиэннэр экэниэмикэлэрин сайыннарыы, дойдубут көмүскэнэр кыаҕын үрдэтии туһунан тыл барыа.
«Парламентская газета» суруйбутунан, ыам ыйын 7 күнүгэр саҥа талыллыбыт бэрэсидьиэн иннигэр Арассыыйа Бырабыыталыстыбатын боломуочуйатын тохтотор туһунан дьаһалга кабмин баһылыга Михаил Мишустин илии баттаабыта. Дойду Конституциятыгар уонна федеральнай конституционнай сокуоҥҥа олоҕуран, миниистирдэр пуостарыттан уһуллубуттара.
Бэрэссэдээтэл ананнаҕына миниистирдэр кэбиниэттэрин саҥа састаабын үөскэтии саҕаланыа. Госдуума дьокутааттара Бырабыыталыстыба бэрэссэдээтэлин дуоһунаһыгар хандьыдааты бигэргэттэхтэринэ, судаарыстыба баһылыга Владимир Путин туһааннаах ыйаахха илии баттыа. Бырабыыталыстыба саҥа бэрэссэдээтэлэ анаммытын кэннэ, нэдиэлэ устата дойду лиидэригэр ситэриилээх былаас федеральнай уорганнарын тутулугар бэйэтин этиилэрин киллэриэ.
Бу туһунан сиһилии: https://www.pnp.ru/politics/volodin-putin-vnes-kandidaturu-mishustina-na-post-premer-ministra.html
-
0
-
0
-
0
-
0
-
0
-
0
