Виртуоз хомусчуттары талыахтара
Издательский дом Редакция Подписка
Погода в Якутске: . 25 oC

 Дьокуускай куоракка бэс ыйын 16-17 күннэригэр «Аан дойду виртуоз хомусчута» диэн норуоттар икки ардыларынааҕы III куонкурус буолуоҕа.

 Дьокуускай куоракка бэс ыйын 16-17 күннэригэр «Аан дойду виртуоз хомусчута» диэн норуоттар икки ардыларынааҕы III куонкурус буолуоҕа.

Бү үрдүк аат иһин 14 судаарыстыба уонна Арассыыйа 11 эрэгийиэниттэн 30-тан тахса киһи киирсиэ. Биһиги өрөспүүбүлүкэбититтэн 9 кыттааччы баар. Кинилэр былырыын күһүн кытаанах сүүмэрдээһини ааһан талыллыбыттара. Билиһиннэрэбит: Эркин Алексеев, Артур Семенов, Варвара Степанова, Айсен Деллохов, Айаал Дмитриев, Туяра Жиркова, Арыйаана Михайлова, Нарияна Ренанто-Бочкарева уонна Георгий Слепцов.

 знак зхомус сайт

Виртуоз оонньооччуну талар куонкурус Саха Сиригэр 1991 уонна 2011 сыллардаахха Хомус кэнгириэһигэр ыытыллыбыттара. Биһигиттэн 1991 с.  Петр Оготоев, Спиридон Шишигин уонна Федора Гоголева буолбуттара. 2011 сыллаахха - Альбина Дегтярева, Юлияна Кривошапкина-Дьүрүйээнэ уонна Ким Борисов. 

 Бу буолуохтаах үһүс куонкурус РФ Бэрэсидьиэнин гранын өйөбүлүнэн тэриллэр. СӨ Бырабыыталыстыбата, СӨ Култуураҕа уонна духуобунай сайдыыга министиэристибэтэ, Дьокуускай куорат Аан дойду норуоттарын хомустарын мусуойа уонна киинэ, Варган норуоттар икки ардыларынааҕы уопсастыбата тэрийээччилэринэн буолаллар.

Куонкуруска 25 саастарыгар диэри толорооччулар кытталлар. Дьүүллүүр сүбэ 9 кыайыылааҕы быһаарыа. Кинилэргэ «Аан дойду виртуоз хомусчута» үрдүк ааты иҥэриэхтэрэ уонна үрүҥ көмүстэн оҥоһуллубут анал бэлиэни кэтэрдиэхтэрэ. Диплом уонна 50 тыһыынча солкуобайдаах бириэмийэнэн наҕараадаланыахтара.

хомус куар сайт

Манна даҕатан эттэххэ, муниципальнай оройуоннары барыларын хабар киэҥ далааһыннаах флешмоб буолуоҕа. Ону барытын «Саха» НКИХ быһа эпииргэ көрдөрүөҕэ.

Кыайыылаахтар гала-кэнсиэрдэрэ бэс ыйын 17 күнүгэр П.А.Ойуунускай аатынан Саха академическай тыйаатырыгар буолар.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости