Биһиги дойдубутугар маннык хааччахтааһын Санкт-Петербург уонна Сочи куораттарга эрэ тарҕанар.
СӨ экологияҕа министиэристибэтэ куорат, нэһилиэк, оройуон баһылыктарыгар, маны тэҥэ министиэристибэлэр уонна биэдэмистибэлэр салайааччыларыгар хонтуруола суох шариктары халлааҥҥа көтүтэри бобуу туһунан рекомендация суруктары ыытта.
Манна даҕатан эттэххэ, «Госуслуги. Решаем вместе» сыһыарыы нөҥүө Саха Сирин олохтооҕо үҥсүү түһэрбит эбит: үөрэх кыһаларын бүтэрэр ыччат саас баччаларга хонтуруола суох ыытар үгүс үтүмэн шариктара экологияҕа улахан хоромньуну таһаараллар диэн.
ЦУР (эрэгийиэннэри салайар киин) бу этиини бэлиэтээн ылан, тустаах министиэристибэҕэ тириэрдибит.
«Биһиги дойдубутугар шариктары халлааҥҥа ыытар бобуу сокуонунан бигэргэнэ илик. Ол эрээри сорох эрэгийиэннэр, аан дойду практикатыгар олоҕуран, халлааҥҥа шариктары ыытары тохтоттулар. Министиэристибэ эмиэ бу этиини өйүүр уонна суругу ыыппыт гражданкаҕа актыыбынай гражданскай позициятын иһин махтанар», - диэн СӨ экологияҕа министиэристибэтигэр иһитиннэрэллэр.
-
3
-
0
-
0
-
0
-
0
-
0
