СӨ Бырабыыталыстыбатын бэрэссэдээтэлин солбуйааччы Кирилл Бычков оробуочай сүбэ мунньаҕар онлайн куоластааһын хаамыытын кытта билистэ уонна нэһилиэнньэ көхтөөхтүк кыттарын хааччыйарга, көҕүлүүргэ эттэ.
Онлайн куоластааһын өрөспүүбүлүкэ 17 муниципальнай тэриллиитигэр ыытыллар. Билиҥҥи туругунан куоластааһыҥҥа 22 тыһыынчаттан тахса киһи кытынна. Ити олохтоммут былаан 34%-на эрэ. Ордук актыыбынайдык таатталар, сунтаардар уонна аммалар кытта сылдьаллар. Дьокуускай уонна Алдан куораттарыгар, Аллараа Кураанах бөһүөлэгэр көрдөрүү намыһаҕа бэлиэтэнэр.
Сорук – аччаабыта 59,5 тыһыынчаттан итэҕэһэ суох киһи куоластыахтаах. Оттон Ил Дархан Айсен Николаев олохтообут көрдөрүүтэ өссө үрдүк – 65 тыһыынча киһи.
Кирилл Бычков волонтердары, үөрэх тэрилтэлэрин кытта үлэлэһэн, бу тэрээһиҥҥэ олохтоохтору маассабайдык тардарга, онлайн куоластааһын хаамыытын көрдөрөр-иһитиннэрэр ситимнэринэн күүскэ сырдатарга сорудахтаата.
Санатан эттэххэ, куоластааһын 2022 сыл ыам ыйын 30 күнүгэр түмүктэнэр. Арассыыйа 14 сааһын туолбут хас биирдии гражданина бу сыылканан киирэн кыттыан сөп: https://14.gorodsreda.ru.
-
0
-
0
-
0
-
0
-
0
-
0
