Учаастактар санитарнай бары ирдэбиллэри тутуһаллар. Онон куттаммакка тиийэн, бэйэҕит гражданскай эбээһинэскитин толороргутугар ыҥырабыт.
Аҕыйах эрэ субъекка маннык икки көрүҥүнэн – онлайн уонна учаастакка -- куоластааһын ыытыллар. Тоҕо диэтэххэ, Саха сиригэр сорох сирдэргэ уонна дьоҥҥо интэриниэт сибээһинэн туһанар кыах суох. Олор бырааптарын күөмчүлэмээри, маннык быһаарбыттара.
Арассыыйа үрдүнэн 45,5 тыһ. учаастагы “Биир ньыгыл Арассыыйа” тэрийдэ. Саха сиригэр 159 учаастак аһыллан үлэлии турар. Онно хамыыһыйа 477 чилиэнэ куоластааһыны көрүө-истиэ.
Барыллаан куоластааһын түмүгэ бэс ыйын 1 күнүгэр биллиэ. Бэс ыйын ортотугар “Биир ньыгыл Арассыыйа” сийиэһэ буолар. Онно бу баартыйаттан кимнээх чуолкай Госдумаҕа хандьыдаат буолбуттара биллиэ. Оттон быыбар бэйэтэ балаҕан ыйын 19 күнүгэр ыытыллар.
Мунаах боппуруостаргытын 8 800 555 0200 нүөмэргэ эрийэн билсиҥ.
-
0
-
0
-
0
-
0
-
0
-
0
