Издательский дом Редакция Подписка
Погода в Якутске: . -12 oC

Хатас олохтоох дьаһалтата,  "Тускул" КК сайдар-үүнэр Хатаспыт дьонун кытта үлэлэрэ-хамнастара, саха норуотун  сиэринэн, төбүрүөннээн олорор түөлбэлэринэн барара олус табыгастаах. 

Хатас олохтоох дьаһалтата,  "Тускул" КК сайдар-үүнэр Хатаспыт дьонун кытта үлэлэрэ-хамнастара, саха норуотун  сиэринэн, төбүрүөннээн олорор түөлбэлэринэн барара олус табыгастаах. 

Хас биирдии түөлбэ  салайааччыта дьон убаастабылын ылбыт тумус туттар киһилэрэ буолар. Сылын аайы кэҥиир-тэнийэр нэһиэлиэкпит Иванов Дмитрий Николаевич салайааччылаах биир саҥа түөлбэтэ «Дьаарын» диэн ааттаах.

Дьаарын -- Хатас төрүт сирдэриттэн биирдэстэрэ, аатырар-сураҕырар «Хатас» сопхуос саҕана бааһына этэ. Куораттан чугас, киһи олоҕор наадалаах тэрилтэ барыта баар, оҕону алаадьы курдук эргитэ сылдьан сайыннарарга оскуолалардаах, анал эбии үөрэхтээһин тэрилтэлэрдээх, уһуйааннардаах, почталаах, балыыһалаах, күөх төлөнүнэн, ыраас уунан хааччыйар тэрилтэлэрдээх, сүрүн сылдьыһар суоллаах, чааска иккитэ сылдьар оптуобустаах буолан, Хатаспыт барахсан оччоттон баччаҕа диэри  силис-мутук тардынан, дьиэ-уот туттан олохсуйуон баҕалаах дьоҥҥо –сэргэҕэ, чахчыта даҕаны, баҕалаах сир буолар.

Дьэ, ол курдук 2015 сыллар диэки Дьаарыҥҥа олохсуйарга баҕалаах хас эмэ уонунан ыал дьиэ-уот туттан, күрүөлэнэн-хаһааланан, тэлгэһэлэнэн-олбуорданан, бур-буруо таһаарынан мустан, түмсэн барбыттара.

Саҥа саҥа курдук, саҕаланыаҕыттан сиппэтэх-хоппотох, быһаарыллыбатах, эриирдээх-мускуурдаах, сороҕор мөккүөрдээх да боппуруостар бааллара. Сүүһүнэн тыһыынча солкуобайы  кыттыһан, уот-күөс холбонон кыстаабыттарын кэннэ: "Эһиги биһигини кытта дуогабаргыт суох", ---диэн, этэргэ дылы, биир охсуунан хараҥаны да куустарбыт тэрилтэлэр бааллара… Эбэтэр тыал үрдэ да, тибии тибэн, аара олордохторо ол… Эбэтэр аадырыстарын булбаккалар, "суһал көмө" сулууспата моһуогурдаҕа ол…

хатас 6 сайт

Ол эрээри мэһэйтэн иҥнибэт, ыарахантан толлубат хорсун, хотоойу санаалаахтары, олоххо баҕалаахтары, сырдыкка, үрдүккэ талаһааччылары ити эппит моһоллор муннукка ыкпатахтара. Этэргэ дылы, түөн да саҕаттан тирэхтэнэн, соломо да саҕаттан тутуһан, түмсэн-сомоҕолоһон, бииртэн биир боппуруостары оннун-олоҕун буллартаан испиттэрэ. Баһыйар үгүс өттүлэрэ тыа сиригэр улааппыт буоланнар, саха сатыырын барытын сатыыллар, дьоҕурдаах-талааннаах дьон да аҕыйаҕа суох. Ынах маҥыраһан, киһи кэпсэтэн билсэр. Онон маҥнай утаа туруорсар, быһаарсар санаалаах мунньахтарга сылдьыталаан, онтон кэлин кэпсэтэн-сэһэргэһэн, истиһэн, нэһилиэккэ буолар тэрээһиннэргэ кыттыталаан барбыттара.

Саамай табыллан тахсыылаахтык Хатаспыт сирэйэ буолбут «Байанай» күрэххэ 2022 сыллаахха 7 көрүҥтэн 4 көрүҥэр бастаан, мөккүөрү үөскэппэттии кыайаннар, онно сүрдээх үчүгэй бириистэри-бэлэхтэри тутаннар, үөрүү-көтүү көтөлүгэр олорбуттара, бэйэлэригэр, хамаандаларын дьонугар эрэллэрэ улааппыта, түмсүү-сомоҕолоһуу тыынын иҥэриммиттэрэ.

Дьэ ити курдук билиһиннэрэн туран, «Дьаарыннар» бүгүҥҥү күннэрин сүрүн кыайыыта, үөрүүтэ буолан, СӨ Үпкэ министиэристибэтин көҕүлээһининэн тэриллибит Олохтоох нэһилиэнньэ көҕүлээһинин өйүүр анал бырагыраамаҕа кыайыылааҕынан тахсан,  ханна да, хаһан да куруутун сүрүн боппуруос буолар суол боппуруоһун быһаарыыга дьоһун хардыыны оҥордулар!

Бу түмүктээх, түбүктээх үлэни сыалай хамаанда сыал-сорук туруорунан, этэргэ дылы, ньоҕойдоһон да туран, тулуурдаахтык-дьулуурдаахтык туруорсан, сүүрэн-көтөн, дьыала бөҕөтүн оҥорон, дьону-сэргэни кытта үлэлэһэн ситистилэр. Аҥаардас хааччах кэмигэр илии баттааһын хомуйуутун да санаан көрүҥ…

хатас 1 сайт

Бу бырагыраама үтүөтүн биһиги, хатастар, эппитинэн-хааммытынан билэбит. Эмиэ уонунан сыл быһаарыллыбатах уоппут-күөспүт, уубут-хаарбыт боппуруостарыттан төлөрүйбүппүт. Ол бырагыраама биир сүрүн ирдэбилэ олохтоох нэһилиэнньэ үп-харчы да, үлэ-хамнас да өттүнэн кыттыһыахтаах. Онон күргүөм үлэ, бииргэ буолуу туоһута - субуотунньуктар тэриллиэхтээхтэр.

Көҕүлүүр бөлөх үөрүөн-астыныан туһугар субуотунньукка 50 киһи тахсан, бэйэ-бэйэлэрин ситэрсэн-хоторсон биэрдилэр, түмсүүттэн үөрдүлэр, алтыһыыттан астыннылар. Дьону түмэргэ, бииргэ буоларга, угуйарга мээнэ киһи ылсыбат дьыалата, буолаары буолан, үгүс өттүгэр куйаар нөҥүө (батсаап, инстаграм) эрэ билсэр дьоҥҥор бу тэрээһин наадалааҕын, туһааннааҕын, хайаан да буолуохтааҕын тиэрдэр-өйдөтөр манан аҕай буолбатах дьыала. Бары атын-атын сиргэ үлэлииллэр, ким эрдэ бүтэр, ким хойут бүтэр, ким бытаан, ким түргэн, ким дьыбаан бөлүһүөгэ, ким табыллыбатын эрэ түөһэр …  Дьэ, ханна баҕарар баар хартыына.

хатас 2 сайт

«Дьаарын» маҥнайгы төрүттэниэҕиттэн олохтоохтук оҥостон, санааны түһэрбэккэ,  иннин диэки айанныырга, үлэлииргэ-хамсыырга кэргэннии  Сусанна Николаевна Винокурова, Олег Юрьевич Ивановтаах , Марфа Ивановна, Дмитрий Софронович Джуаловтар, Иванов Дмитрий Николаевич, Сергеев Дмитрий Михайлович, Жуллярова Светлана Иннокентьевна, Станислав Елисеев, Кривошапкин Вадим Андреевич, Яковлев   Михаил Юрьевич уо.д.а. куруутун бэлэмнэр.

 «Дьаарыннар», саха дьонун сиэринэн, улахан үлэлэрин, хамсааһыннарын сахалыы  аал уоту аһатан, алгысчыт Алексей Божедонов-Сырдык алгыс тылын ылынан, иҥэринэн  саҕалаатылар. Олохтоох дьаһалта дьон көҕүн, түмсүүтүн өйөөн, кыах баарынан көмө-тирэх буолбуттарыгар махтал тылларын эттилэр.

Дьэ, ити курдук бииргэ буолартан бигэ санааламмыт, түмсүүлээх буолартан күүс-кыах эбиммит «Дьаарыннарга» ситиһиилэрэ ситимнээх, кыайыылара кынаттаах буоларыгар баҕарыаххайыҥ. 

Н.Руфова . Хатас 2022 ыам ыйа.

                  

  • 4
  • 3
  • 1
  • 0
  • 0
  • 0

Комментарии (2)

This comment was minimized by the moderator on the site

Дьаарыннар инники күөҥҥэ

This comment was minimized by the moderator on the site

Дьаарыннарга өссө да ситиһиилэри. Саха дьонун сиэринэн бэйэ- бэйэни өйөһөн-өйдөһөн, куруук ыарахаҥҥа да үөрүүтэ да бииргэ буоларгытыгар.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23