Ыам ыйын 22 күнүттэн аны бөртөлүөт таһар буолла. “Полярные авиалинии” хампаанньа өҥөнү оҥорор. Билиэт сыаната уҥуор туоратыыга 5 тыһыынча 100 солкуобай.
Тырааныспар министиэристибэтин уу уонна тимир суолларыгар департаменын салайааччыта Семен Коркин иһитиннэрбитинэн, ыам ыйын 22 күнүгэр 8 рейси бөртөлүөтүнэн оҥорбуттар, уопсайа 263 киһини таспыттар. Маршрута Маҥан-Манньыаттаах (Аллараа Бэстээххэ бөртөлүөт былаһаакката). Ол эрээри өрүс эстэн, көмүөл ааһан, пассажир ахсаана аччаабыт. Дьон “үрдэриллибит олбохторго” көһөн эрэр, онон рейс аччыыра, таһан да бүтэллэрэ буолуо.
Даҕатан эттэххэ, урут өрүс мууһа муҥутаан устар түргэнэ сууккаҕа 150 км ааһар буоллаҕына, билигин 20 км эрэ сыҕарыйар. Ол да үрдүнэн, Амма, Бүлүү өрүстэрэ хаһааҥҥытааҕар да эрдэ эһиннилэр. Ол иһин сотору бастакы паромнар эбэлэри туоруохтара. Билигин паромщиктар өрүс ыраастанарын кэтэһэллэр. Осетровоттан таһаҕастаах суудуна номнуо иһэр.
Тырааныспар министиэристибэтигэр эппиттэринэн, быйыл, хата, халыҥ муус халҕаһата паромнар тохтуур сирдэрин тоҕо анньыбатах, ол эрээри уу син биир таһымнаабыт. Онон Аллараа Бэстээх биэрэгэр дьуһуурустуба олохтонно.
Бу сайын Аллараа Бэстээх-Дьокуускай хайысханан 15 паром сылдьара былааннанар. Бастакы рейс ыам ыйын 26-27 күннэригэр айанныыра сабаҕаланар.
-
1
-
0
-
0
-
0
-
0
-
1
