Улуус дьаһалтата үбүлээһин көрөн, муоста тутуллан, хас да сыл буолла абыраммыппыт.
Биир муостаны нэһилиэк бюджетыттан туппуппут онон икки муосталаах нэһилиэк буолабыт.
Сылын аайы уу кэлэн ааһар буолан "Алаас " диэн дэриэбинэ ортотугар күөл баара ууну кытта көһөн, устан баран, кумах тибэн, күөл баар буола сылдьыбытын туоһута кумахха сүөһү, сылгы сытар, күөлэһийэр сирэ буолбута.
Бастакы сыл нэһилиэк бюджетыттан 500 тыһыынчаны көрөммүт, ТХМ тин ГУП СХВМ Үөһээ Бүлүүтээҕи филиала салайааччы А .В. Бырдакаров Алаас күөлү чөлүгэр түһэриигэ үлэ ыыппыта . 2021 сылга улуус дьаһалтата 1 мөлүйүөнү үбүлээн, Үөһээ Бүлүү мелиорация тэрилтэтэ салгыы чөлүгэр түһэрии үлэтин ыытан, элбэх үлэ оҥоһулунна.
Быйыл 2022 сылга ППМИ конкуруһун кыайаммыт, бу куонкурус балаһыанньатынан олохтоох нэһилиэнньэ кыттыһан, 2 мөлүйүөннээх үлэни ыытыахтаахпыт.
Алаас -- диэн түҥ былыргыттан баар историческай күөл.
Исидор Барахов аатынан совхоз саҕана " Табыйыыс " бааһынаҕа хортуоппуй олордор этибит . Ол бааһынатыгар бу күөлтэн уу ылан ыстарар этибит даҕаны, уута көҕүрээбэт, хамсаан да көрбөт этэ . Дьоннор: "Дириҥ хос уулаах", -- дииллэр этэ .
Хаһан баҕар баар суох буолара түргэн , ону чөлүгэр түһэрэр элбэх үлэлээх буоларын да иһин, Алаас күөлбүт толору ууланыа, урукку курдук балыктаныа, кус, хаас түһэр буолуо диэн эрэлбит улахан!!!
Балаҕаннаах нэһилиэгин баһылыга Ыстапаан Дмитриев.
Ыам ыйын 27 күнэ 2022 сыл .
-
0
-
0
-
0
-
0
-
0
-
0
