Алексей Мокрощупов күрэҕэ - сыллааҕы үлэ түмүгэ
Издательский дом Редакция Подписка
Погода в Якутске: . -2 oC

Үөрэх, эбии үөрэх тэрилтэлэрэ сылы түмүктүүр улахан тэрээһиннэрин ыыталааннар, ким хайдах сайдыбытын, үүммүтүн, эбиллибитин көрөн, үөрүү-көтүү көтөлүгэр олордулар.

Үөрэх, эбии үөрэх тэрилтэлэрэ сылы түмүктүүр улахан тэрээһиннэрин ыыталааннар, ким хайдах сайдыбытын, үүммүтүн, эбиллибитин көрөн, үөрүү-көтүү көтөлүгэр олордулар.

Хатаспыт ааттаах -суоллаах дьоно-сэргэтэ, кинилэр дьиэ- кэргэттэрэ тус бэйэлэрин ааттарынан бириэмийэлэрин, бириистэрин туттартаатылар. Бэрт соторутааҕыта эбии үөрэхтээһин аксакала, нэһилиэк ытыктыыр киһитэ А.П. Калачёв дьиэ кэргэнэ ситиһиилээх оҕоҕо бириэмийэ туттарбыттара.

Бэс ыйын 3 күнүгэр Хатас орто оскуолатыгар оҕолорго тустуу түһүлгэтэ аһылынна. Хатастартан бастакы ССРС спорт мастара, СӨ үөрэҕириитин туйгуна Алексей Васильевич Мокрощупов бирииһигэр сыл аайы ыытыллар өрөспүүбүлүкэтээҕи  таһымнаах күрэхтэһии буолан ааста.
Ол туһунан ДЮСШ-7 тренерэ А.П. Осипов бу курдук кэпсээтэ:
--Күрэхтэһиигэ 2009, 2010-2011, 2012, 2013-2014 сыллаах төрүөх уолаттар кытыннылар.

спорт хатас

Ол курдук Хатас оҕолоруттан ситиһиилээхтик туһуннулар:
2013-2014 с.т
20 кг Николаев Петя - 1 м
22 кг Колесов Марсель - 2 м

спорт хатас 3

2010-2011 с.т.
30 г Новиков Артем - 1 м
30 кг Платонов Коля - 3 м
33 кг Оконушкин Арсен - 3 м
38 кг Никифоров Руслан - 3 м

2009 с.т.
32 кг Тимофеев Сандал - 1м
42 кг Брызгалов Артем - 3м
62 кг Ноговицын Саша - 3м кытыннылар.

спорт хатас 2

"Күрэхтэһии бастыҥ тустууга" диэн бочуоттаах аат Хатас орто оскуолатын 6 кылааһын үөрэнээччитэ Артем Новиковка иҥэрилиннэ. Артём күрэхтэһии сүрүн спонсора Алексей Васильевич Мокрощупов анал бирииһин тутта - (кубок уонна 10 т. солк.  ыраас харчынан).

32 киилэлээхтэргэ кыайыыга дьулуурун, баҕатын көрдөрбүт 6 кылаас үөрэнээччитэ Тимофеев Сандал күрэхтэһии сүрүн судьуйатыттан Владимир Александрович Карпенкоттан спорт маҕаһыынын сертификатынан наҕараадаланна.
Уонна атын да ыйааһыҥҥа миэстэлэспит уолаттар кыһын устата эрчиллибит хамсаныылара түмүктээх буолла.
Махталбын тиэрдэбин күрэхтэһиини тэрийсибит дьоҥҥо:
Хатас орто оскуолатын дириэктэрэ Слепцов Николай Владимировичка, итиэннэ оскуола бары үлэһиттэригэр.
Хатас баһылыга Пермяков Евгений Петровичка, дьаһалта  ыччат түмсүүтүн салайааччытыгар Семен Семенович Игнатьевка.
ООО "Прогресс" ген. директора Алексей Семенович Пинигиҥҥа.
Бэйэм бииргэ үлэлиир спорт оскуолам үлэһиттэригэр.

***

d7813ee1 6677 4b65 8b1f b5438fad0276
Бу күрэхтэһии баҕалаах, сыаллаах-cоруктаах буоллахха, үтүө түмүк, үрдүк үрдэл хайа да балаһыанньаҕа баар буолуон сөбүн чаҕылхай туоһута дии саныыбын. Кэккэ сылларга спортивнай оскуолабыт кэлэктиибэ чэпчэкитэ суох балаһыанньаҕа үлэлии-хамсыы сылдьарын бары да билэ-көрө сылдьабыт. Онон тутулла сылдьар спортсаалабыт тутуута хайдах хамсыырын, этэргэ дылы, "бүгүн оччо буолла", "бэҕэһээ бачча этэ" диэххэ диэри кэтэһэбит-манаһабыт.

Бастыҥ тустуук буолбут А.Новиков бу кыһын СӨ тустууга сүүмэрдиир хамаандатын дьарыгын кураанахха көрбөтөх, СӨ спорка министиэристибэтин бэлэҕин мээнэҕэ туппатах эбит диэн эмиэ үөрэбит. Дьон итэҕэлин ылбыт оҕо ити тренерэ этэринии, сыл устата бэркэ хамсаммыт., о.э. утумнаахтык дьарыктаммыт. А.С.Пинигиҥҥэ махталбыт муҥура суох. Кини спорка тапталын, олоххо тулуурун-дьулуурун Чурапчытааҕы спортивнай оскуолаттан, чуолаан көҥүл тустуунан дьарыктанан, өйүгэр санаатыгар, этигэр-хааныгар иҥэриммит.

Алексей Васильевич Мокрощупов дьиэ кэргэнинэн бу махталлаах, хайҕаллаах тэрээһини уонунан сылларга тиһигин быспакка ыыталлара төһөлөөх элбэх оҕо чөл олоххо тардыһыытыгар тирэх буолбута буолуой?
Дьарыктааччы, дьарыктанааччы сыллааҕы үлэлэрин түмүгэр төрөппүт оруола улаханын этэн туран, хас биирдии оҕоҕо, кинилэр дьиэ кэргэттэригэр, тренергэ ситиһиилэрин ситимэ быстыбатыгар баҕарыаххайыҥ.

Н.Руфова. Хатас.2022 сыл. Бэс ыйа.

  • 6
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Экономика

Эбии үбүлээһин көрүлүннэ

Уһук Илин федеральнай уокурук эрэгийиэннэрэ «биир кэлим субсидиянан» эбии үп-харчы…
01.10.22 22:36