Мэҥэ Хаҥалас биллэр олоҥхоһута, ССРС суруйааччыларын сойууһун чилиэнэ Н.И. Степанов-Ноорой төрөөбүтэ 125, Саха АССР төрүттэммитэ 100, Арассыыйа норуоттарын култуураларын үйэлээх баайын сылларынан Догдоҥо нэһилиэгэр 10-с төгүлүн улуустааҕы Олоҥхо ыһыаҕа буолла.
Онно Александр Жирков ыҥырыылаах ыалдьыт буолан тахса сырытта. Мэҥэ Хаҥалас улууһун баһылыга Николай Старостин Александр Жирковка, улуус социальнай-экэнэмиичэскэй сайдыытыгар киллэрсибит кылаатын иһин, «Мэҥэ Хаҥалас улууһун Бочуоттаах гражданина» ааты иҥэрдэ, бэлиэтин үөрүүлээх быһыыга туттарда.
Олоҥхо ыһыаҕар, үгэс быһыытынан, «Ойор күннээх орто дойдуну хоһуйдахпыт буоллун» диэн биирдиилээн толоруу күрэҕэ ыытылынна. Манна кылаан кыайыылааҕынан Таатта улууһуттан сылдьар Алексей Николаев буолла уонна 50 тыһыынча суумалаах сэртипикээтинэн наҕараадаланна.
Хаартыскалар МК-ULUS
- 5
- 0
- 0
- 0
- 0
- 0