Суутунан да утарар сатаммат, өскөтүн:
– Кэриэс суругу нотариус биитэр атын да боломуочуйалаах киһи (балыыһа кылаабынай бырааһа, муора аалын хапытаана, хаайыы начаалынньыга, олохтоох салайыыны уорганын дуоһунастаах үлэһитэ...) бигэргэппит буоллахтарына;
– Атын нэһилиэнньиктэр бырааптара күөмчүлэммэт буоллаҕына;
Кэриэс суругу утарыахха сөп – кэриэстээх киһи өллөҕүнэ. Арай, кэргэнниилэр кыттыгас кэриэс суруктарын эрэ тыыннаахтарыгар көрүөххэ сөп, өскөтүн кинилэртэн биирдэстэрэ суукка үҥсүбүт түбэлтэтигэр.
Кэриэс суругу хаалларбыт киһи өлбүтүн кэнниттэн сокуонунан көрүллүбүт бырааба биитэр интэриэһэ кэһиллибит киһи (сокуонунан биитэр кэриэс суругунан нэһилиэнньик) үҥсүүтүнэн кэриэс суругу утарыахха сөп. Ол суутунан эрэ оҥоһуллар.
Кэриэс утарыллар:
– Нэһилиэстибэ хаалларааччы кэриэһигэр ханнык баҕарар түбэлтэҕэ нэһилиэстибэҕэ тиксиэхтээх дьону: бастакы уочараттаах нэһилиэнньиктэрин (кэргэнин, оҕолорун, төрөппүттэрин) уонна иитимньитин учуоттаабатах түбэлтэтигэр;
– Кэриэстээх киһи быһаарыыны ылынар кыаҕа суоҕа (ыалдьара, түөһэйбитэ) суутунан дакаастаммыт түбэлтэтигэр;
– Кэриэс сурук сымыйа буоллаҕына;
– Кэриэс сурук сөбө суох нэһилиэнньиктэр (сымыйанан нэһилиэнньикпин дэнэр биитэр ылар ирээтин үрдэтэ сатыыр дьон) туһаларыгар оҥоһуллубут буоллаҕына;
– Кэриэс сурук сокуон ирдиир киэбинэн оҥоһуллубатах буоллаҕына (кэриэс суругунан толоруллар уонна кэриэһи хаалларар киһи, нотариус биитэр атын дуоһунастаах сирэй илии баттааһыннарынан, бэчээтинэн бигэргэнэр, кэриэһи суруйар киһи туох дьайыыны оҥорорун билэр буолуохтаах);
– Кэриэс сурук күһэйии күүһүнэн оҥоһуллубут буоллаҕына;
– Кэриэһи суруйбут киһи баҕата чуолкайа суох буоллаҕына.
Кэриэс суругу утарар кыахтаахтар:
– Бастакы уочараттаах нэһилиэнньиктэр (төрөппүттэрэ, оҕолоро, кэргэнэ);
– Бастакы уочараттаах нэһилиэнньиктэр суох биитэр нэһилиэстибэттэн аккаастаммыт түбэлтэлэригэр, иккис уочараттаах нэһилиэнньиктэр: бииргэ төрөөбүттэрэ, эһэтэ-эбэтэ. Кинилэр суох түбэлтэлэригэр аймахтар;
– Кэриэһи хаалларбыт киһиэхэ иитиллибит, онон нэһилиэстибэҕэ тиксиэхтээх эрээри, кэриэс сурукка ыйыллыбатах киһи.
Болдьоҕо
Кэриэс суругу утарыыны биир сыл иһинэн оҥоруллар. Оттон кэриэс сурук сыыһалаах (ирдэбилинэн оҥоһуллубатах уонна сокуоҥҥа сөп түбэспэт түгэннэрдээх) буоллаҕына – үс сыл устатыгар.
-
0
-
0
-
0
-
0
-
0
-
0
