- Билигин улахан уу кэлбитинэн сибээстээн, элбэх нэһилиэк: "Бу бастакы долгуна", — дии олорор. Билигин номнуо алта нэһилиэк ууга барда. Бу “долгун” тохтуу илик, өссө хас нэһилиэги ылыа биллибэт. Иккис долгунтан күүскэ саллабыт. Ыксаллаах быһыы-майгы өрөспүүбүлүкэ таһымыттан тахсан, Арассыыйа масштабыгар, улахан таһымнаах буолла. Дьоммутун аһынаммыт, үп-харчы, ас-таҥас мунньан ыыта сатыыбыт. “Айгуль” уонна “Розтор” хампаанньалар харчынан, аһынан көмөҕө кыттыыны ыла сылдьаллар. Ол курдук, “Розтор” уонна “Айгуль” былаһааккаларыгар ас хомуйуутугар сарсын-өйүүн улахан аахсыйалар ыытыллыахтаахтар. Көхтөөх үлэ бара турар, ыччаттар өйөбүл буолаллар. Дьааҥы ыччата эрэ буолбакка, Саха Сирин ыччата бары көмөҕө кыттар. Олоҥхо тыйаатыра харчы бырахсан биэрбитэ. Саха Сирин Уопсастыбаннай палаатата уонна Үөһээ Дьааҥы землячествота холбоһон тураммыт, кэбиниэт арыйбыппыт. Манна дьон гуманитарнай көмө аҕалар. Холобур, оҕо аһа, оҕо, эр киһи, дьахтар сылаас таҥаһа, матараас, сыттык. Гуманитарнай рейс аныы иликтэр. Рейс ананнаҕына, мантан ылан таһаҕас ыытыахпыт. Онно приемнай хамыыһыйа баар. Ол хамыыһыйа бэйэтэ тарҕатыаҕа. Маны уруккуга биллибэтэх түбэлтэ диэн эппиттэрин өйдүөххэ наада. Аны чөлүгэр түһэрии үлэтин ыытан, хоромньуну ааҕан, хайдах кыстыырбытын билиҥҥиттэн толкуйдуохпутун наада.
***
СӨ Уопсастыбаннай палаататын бэрэссэдээтэлэ Николай Бугаев Үөһээ Дьааҥы улууһугар ыксаллаах быһыыга-майгыга эмсэҕэлээбит дьоҥҥо көмөлөһөргө өрөспүүбүлүкэ олохтоохторун ыҥырар. Гуманитарнай көмө штаба Курашов уулуссатын 24-с дьиэтигэр, 4 этээскэ, 405 кэбиниэккэ тэрилиннэ. Онно тиийэн, Үөһээ Дьааҥыга халаан уутуттан эмсэҕэлээбит дьоҥҥо күүс-көмө буолуоххутун сөп.
-
0
-
0
-
0
-
0
-
0
-
0
