Издательский дом Редакция Подписка
Погода в Якутске: . 17 oC

Өлүөхүмэ оройуонугар халаан уутуттан ыксаллаах быһыы-майгы буолла. Норуот дьокутааттара биир бастакынан халаан уутуттан эмсэҕээбиттэргэ  күүс-көмө буолаллар. Бу туһунан Ил Түмэн пресс-сулууспата иһитиннэрэр.

Өлүөхүмэ оройуонугар халаан уутуттан ыксаллаах быһыы-майгы буолла. Норуот дьокутааттара биир бастакынан халаан уутуттан эмсэҕээбиттэргэ  күүс-көмө буолаллар. Бу туһунан Ил Түмэн пресс-сулууспата иһитиннэрэр.

Ыам ыйын 16 күнүнээҕи туругунан Саха Сирин 24 норуотун дьокутаата гуманитарнай көмөнү оҥорбут. Ил Түмэн испиикэрэ Алексей Еремеев саахал содулун туоратыыга уонна эмсэҕэлээбиттэргэ Ил Дархан  Айсен Николаев сорудаҕынан көмө оҥоһулларын бэлиэтээтэ. «СӨ Судаарыстыбаннай Мунньаҕын (Ил Түмэн) аатыттан Өлүөхүмэ улууһун олохтоохторун өйүөхпүт. Дьокутааттар куорпустарыгар балаһыанньаны болҕомтолоохтук кэтээн көрөргө уонна туох буола турарын суһаллык быһаарарга сорудахтаатым. Бүгүн халаантан эмсэҕэлээбит биир дойдулаахтарбытыгар көмөлөһүү тула сомоҕолоһорбут олус наадалаах», – диэтэ Еремеев.

Халаан уутуттан 1-кы Нөөрүктээйи, 2-с Нөөрүктээйи, Кыыллаах уонна Хоро нэһилиэктэрэ уота уонна ититиитэ суох хааллылар.

Норуот дьокутааттара Виктор Лебедев уонна Николай Кульбертинов аһы- үөлү бэлэмнээһиҥҥэ, итиинэн хааччыйыыга саппаас уоту холбуурга наадалаах ньиэп бородууктатынан уонна диисэл уматыгынан көмөлөстүлэр.

Алексей Колодезников Хоро олохтоохторугар гуманитарнай көмөнү тиэртэ: «Нэһилиэк баһылыгын Анатолий Лыткины кытта нэһилиэнньэ интэриэһин бары өттүттэн учуоттаан оҥоһуллуохтаах чөлүгэр түһэрэр уонна хоромньуну ааҕар үлэ туһунан кэпсэттибит». Парламентарий Николай Харбин салалтатынан улуус дьаһалтата хорумньуну ааҕар хамыыһыйаны суһаллык тэрийбитин бэлиэтээтэ уонна «СӨ быыһыыр сулууспатын» үлэһиттэрин кытары бу күннэргэ суукканы супту үлэлээбит «Полярные авиалинии» авиохампаанньаҕа махтанна.

Норуот дьокутаата Иван Луцкан эппитинэн, «Биир ньыгыл Арассыыйа» фракция дьокутааттара анал пууннарга, аймахтарыгар, ыалларга көһөргө күһэллибит дьоҥҥо гуманитарнай көмөнү хомуйууну тэрийбиттэр. Кини дьоҥҥо саамай наадалаах мал-сал, ас-үөл хомуллубутун бэлиэтээтэ. Бастакы таһаҕас Өлүөхүмэҕэ СӨ тырааныспарын министиэристибэтин көмөтүнэн ыытылынна. «Уустуктар үөскүүр түгэннэригэр биһиги суһаллык кыһалҕалары быһаарга бэлэммит», - диэн эттэ Луцкан.

19.jpg

Ыам ыйын 12 күнүгэр «Саҥа дьон» баартыйа эрэгийиэннэҕи салаата халаан уутуттан эмсэҕэлээбиттэргэ анаан малы-салы хомуйар көмө киинин аспыта.

Норуот дьокутаата Нюргуяна Заморщикова эмсэҕэлээбиттэргэ көмөлөһөргө бэлэмин туһунан иһитиннэрдэ. Өлүөхүмэҕэ парламентарий малы таһарга тыылары, бирисиэптэри аҕалбыт.

Уопсастыбаннай өйөбүл ыстаабын көрдөрүүтүнэн гуманитарнай көмө уопсай кээмэйэ 1471,1 кг тиийбит. Үбү-харчыны уонна гуманитарнай көмөнү хомуйуу Дьокуускай куорат Курашов уулуссатын 24 дьиэтин 4 этээһигэр оҥоһуллар.

Хаартыскалар Ил Түмэн саайтыттан

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Уопсастыба

Тумарыгы бүрүммүт дьылҕа

Өстөөх үөһүгэр киирэн, тас дойду сирдэринэн сылдьан, киэҥ ыырдарынан тэлэһийэн «дойдум…
19.07.24 14:22