Нэһилиэстибэ иһин нолуок төлөнөр дуо?
Издательский дом Редакция Подписка
Погода в Якутске: . -43 oC

 Хас эмэ мөлүйүөн дуоллар суумалаах нэһилиэстибэни ылбыт Великобритания саҥа хоруола Карл III нолуоктан босхоломмутун туһунан суруйаллар. Оттон биһиги, көннөрү  дьон, нэһилиэстибэ иһин нолуок төлүөхтээхпит дуо?

 Хас эмэ мөлүйүөн дуоллар суумалаах нэһилиэстибэни ылбыт Великобритания саҥа хоруола Карл III нолуоктан босхоломмутун туһунан суруйаллар. Оттон биһиги, көннөрү  дьон, нэһилиэстибэ иһин нолуок төлүөхтээхпит дуо?

Нэһилиэнньиктэр нэһилиэстибэни ылалларыгар туох нолуогун төлүүллэрин уонна суумата төһө буоларын элбэх  киһи ыйытааччы.

2005 сыл от ыйын 1 күнүнээҕи 78-ФЗ №-дээх федеральнай сокуон этэринэн, Арассыыйа Федерациятыгар нэһилиэстибэ нолуога көтүрүллүбүтэ, онон нэһилиэстибэ ылааччылар нолуок төлөөбөттөр.

 Ол да буоллар, нэһилиэнньик кэриэс суругунан эбэтэр сокуонунан нэһилиэстибэҕэ бырааптааҕын туһунан туоһу ылар иһин нотариальнай тарыып төлүөхтээх. Нэһилиэнньиктэр бу тарыыбы судаарыстыбаннай пошлина быһыытынан нотариуска төлүүллэр.

Тарыып кээмэйэ аймаҕыҥ төһө чугаһыттан тутулуктаах. Бастакы уонна иккис таһымнаах нэһилиэнньиктэр – эр-ойох, оҕолор, төрөппүттэр, бииргэ төрөөбүттэр – нэһилиэстибэ сыанатын 0,3%-ын төлүүллэр. Ол эрээри, бу суума 100 тыһыынча солкуобайтан үрдүк буолуо суохтаах. Мантан атын нэһилиэнньиктэр нэһилиэстибэ 0,6%-ын төлүүллэр. Кинилэр төлүүр тарыыптара 1 мөл. солкуобайы куоһарыа суохтаах.

Нэһилиэнньиктэр сокуонунан уонна кэриэс суругунан тарыыптара тэҥ буолар. Хас даҕаны нэһилиэнньик баар түгэнигэр, хас биирдиитэ нэһилиэстибэтин тарыыбын өлүүтэ туспа ааҕыллан төлөнөр.

Өйдөөҥ, нэһилиэстибэни ыларга мантан атын нолуок көрүллүбэт, соҕотох булгуччулаах төлөбүр – бу тарыып буолар. Тарыып төһө сөптөөҕүн туһунан ыйытыылаах буоллаххытына, үбү-баайы нэһилиэстибэҕэ ылыыга идэтийбит гражданскай уонна дьиэ кэргэн быраабын өттүгэр үлэлиир юриска тиийэн этиэххитин наада.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Спецпроекты

Саха Сирин «Олохтоох каадырдары промышленноска» бырайыага эдэр ыччаты үлэнэн хааччыйыы бастың практикаларын Бүтүн Россиятааҕы куонкуруhун финалыгар таҕыста

«Олохтоох каадырдары промышленноска» ѳрѳспүүбүлүкэтээҕи бырайыак ыччаты үлэнэн хааччыйыы…
07.12.22 20:49