СНИЛС диэни уларытыахха сөп дуо?
Издательский дом Редакция Подписка
Погода в Якутске: . -2 oC

СНИЛС нүөмэринэн үлэҥ салалтата биэнсийэ пуондатыгар страховой усунуостары төлүүр. Ол усунуостар кэлин биэнсийэҥ олохтоноругар наадалаахтар.

СНИЛС нүөмэринэн үлэҥ салалтата биэнсийэ пуондатыгар страховой усунуостары төлүүр. Ол усунуостар кэлин биэнсийэҥ олохтоноругар наадалаахтар.

Ону таһынан судаарыстыбаннай өҥөлөр офистарыгар үгүстүк СНИЛС көрдүүллэр. Судаарыстыбаннай уонна муниципальнай өҥөлөрү электроннай көрүҥүнэн ыларга бу нүөмэр эмиэ наада. Ол эрээри, киһи СНИЛС-ин көһө сылдьан дуу, өрөмүөн кэмигэр дуу сүтэриэн эбэтэр ханна эрэ түһэрэн кэбиһиэн эмиэ сөп. Арассыыйа биэнсийэлээх пуондатыгар: “СНИЛС сүтэриитэ – көнөрүллэр дьыала”, -- диэн этэллэр.

Дьэ, СНИЛС-питин хайдах сөргүтэбит?

Үлэлиир киһи хампаанньатын биитэр тэрилтэтин каадырын салаатыгар тиийэн, биирдэм (персонифицированнай) учуот тиһигэр баарын туоһулуур докумуон биэрэллэригэр сайабылыанньа суруйар. Гражданин биирдэм урбаанньыт, албакаат, нотариус уо.д.а. буоллаҕына, Арассыыйа биэнсийэтин пуондатын ханнык баҕарар уорганыгар тиийэн, эмиэ сайабылыанньа суруйуохтаах. Үлэлээбэт дьон даҕаны ПФР уорганыгар сайабылыанньа биэриэхтэрин сөп.

 Оттон СНИЛС-и уларытыахха сөп дуо?

 Араспаанньаны уларытар буоллахха, СНИЛС эмиэ уларыйар, ол эрээри нүөмэрэ хаалар. СНИЛС дааннайдара пааспар дааннайын кытта биир буолуохтаахтар.

Ити туһуттан биэнсийэ пуондатыгар сирэй учуота регистрацияламмыт киһи сайабылыанньа суруйар, онуоха аҥкыата толорор, онно саҥа дааннайдарын ыйар. Бу сайабылыанньаны үлэтин нөҥүө эбэтэр ПФР офиһыгар бэйэтэ тиийэн биэриэхтээх. Уларыйыы барыта гражданин тус суотугар (личевой счетугар)  көстөр буолар, ол кэннэ киниэхэ урукку нүөмэрдээх эрээри, уларыйбыт араспаанньалаах регистрацияны туоһулуур докуомуону биэрэллэр.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости