Куорсуннаах норуодунай суруйааччы буолла
Издательский дом Редакция Подписка
Погода в Якутске: . -40 oC

Судаарыстыбаннас күнүгэр Ил Дархан үрдүкү наҕараадалары туттарда. Саха омуга өссө икки норуодунай суруйааччылаах буолбуппутун үөрэ иһиттибит: Елена Слепцова-Куорсуннаах уонна Дмитрий Наумов.

Судаарыстыбаннас күнүгэр Ил Дархан үрдүкү наҕараадалары туттарда. Саха омуга өссө икки норуодунай суруйааччылаах буолбуппутун үөрэ иһиттибит: Елена Слепцова-Куорсуннаах уонна Дмитрий Наумов.

31 1

 П.А. Ойуунускай аатынан СӨ Судаарыстыбаннай бириэмийэтин, Н.Е. Мординов-Амма Аччыгыйа аатынан СӨ Ил Дарханын бириэмийэтин лауреата, Намжил Нимбуев аатынан норуоттар икки ардыларынааҕы поэтическай турнир Гран-при хаһаайына, Арассыыйа суруйааччыларын сойууһун чилиэнэ Елена Васильевна Слепцова Таатта Чөркөөҕүттэн төрүттээх. Күн сирин 1964 сыл бэс ыйын 14 күнүгэр көрбүтэ.

i

Дьокуускайдааҕы культпросвет училищетын бүтэрэн баран, филармонияҕа үлэтин саҕалаабыта. Онтон циркэҕэ үлэлээри, Свердловскайдааҕы эстрада уонна цирк искусствотын айар мастарыскыайыгар уһуйуллубута.

Кини саха бастакы идэтийбит дрессировщиктарыттан биирдэстэрэ буолар. СӨ үтүөлээх артыыһа.

Баардаах баара өтөн, улуу Былатыан Ойуунускай хаан уруу аймаҕа Куорсуннаах, култуура эйгэтиттэн сыыйа тэйэн, сурук үлэтинэн үлүһүйбүтэ.

maxresdefault

Поэт уонна прозаик быһыытынан 1997 сылтан биллэн барбыта. «Оо, олох» диэн хоһооннорун маҥнайгы хомуурунньуга 2000 сыллаахха күн сирин көрбүтэ.

Суруйааччы биир дьоһун үлэтинэн П.А. Ойуунускай «Дьулуруйар Ньургун Боотур» олоҥхотун кэпсээн киэбинэн оҥорбута буолар.

2008 с. оҕолорго аналлаах «Муус ырай» айымньыта бэчээттэнэр.

2011 с. репрессияҕа түбэспит В.Д. Давыдова уонна П.И. Оросин-Хайыкы туһунан «Биэрэ Дабыыдап, Бүөтүр Оруоһун» кинигэни хомуйан таһаартарбыта.

2013 с. «Түҥкэтэх ырай» новелла хомуурунньуга бэчээттэммитэ.

2014 сыллаахха Софокл „Антигона“ пьесатын тылбаастаабыта. П.А. Ойуунускай аатынан Саха театрыгар туруорбуттара.

2014 сыллаахха саха бастакы интеллигенциятыгар анаммыт, суруйааччы олоҕун 12 сылын анаабыт "Аан Талҕа" историческай романа бэчээттэммитэ. Бу роман иһин Куорсуннаах П.А. Ойуунускай аатынан СӨ Судаарыстыбаннай бириэмийэтин лауреата буолбута.

Экзюпери «Маленький принц» айымньытын "Кыра Тыгын" диэн тылбаастаабыта 2019 с. туспа кинигэ быһыытынан күн сирин көрбүтэ. Бу кинигэ уонна "Бичик" кинигэ кыһатыгар тахсыбыт остуоруйа хомуурунньугун иһин Куорсуннаах оҕо литературатын сайыннаарыыга аналлаах Н.Е. Мординов-Амма Аччыгыйа аатынан СӨ Ил Дарханын бириэмийэтин лауреата буолбута.

indбу

 Айымньылара тас дойдулар хаһыаттарыгар, сурунаалларыгар, альманахтарыгар, антологияларыгар тылбаастанан бэчээттэнэллэр.  2009 сыллаахха „Оставлен наш след среди камня и мха“ диэн нууччалыы тыллаах хомуурунньуга тахсыбыта. (Тылбаасчыттар -- Н.В. Переяслов, А.Е.Шапошникова, М.Е.Алексеева).

Елена Васильевнаны ааҕааччыларын ааттарыттан эҕэрдэлиибит!

  • 6
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Искренне поздравляю Елену Васильевну! Очень рады.

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости