Биригээдэҕэ 10 исписэлиис үлэлиир: неврологтар, УЗИ-исписэлиистэр, офтальмологтар, кардиологтар уонна рентген-лабораннар. Быраастар эрэгийиэн олохтоохторугар уонна байыаннай сулууспалаахтарга мэдиссиинэ көмөтүн оҥоруохтара.
- Биригээдэ уон исписэлиистээх. Хас биирдии быраас тустаах соруктарга сөп түбэһиннэрэн талылыннылар. Өрөспүүбүлүкэҕэ тиийбэт исписэлиистэринэн хааччылынна. Нэһилиэнньэни кытта байыаннайдары эмтиэхпит. Офтальмология хайысхатыгар манна ыытылла илик эппэрээссийэлэри оҥоруохпут», – диэн Иван Луцкан иһитиннэрдэ.
Маны сэргэ, биригээдэ ДНР-га уһуннук айаннаан тиийбит сүрүн биричиинэтинэн логистиканы ыйда. Крым муостатыгар быһылаан кэннэ бэрэбиэркэ күүһүрдэ. Мэдиссиинэ оборудованиета кэбирэх, таһаҕас ураты категориялаах - илигирээһинтэн, температура хамсааһыныттан, сииктэн харыстаныахтаах.
- Бэйэбитин кытары микроскоптары, щелевай лаампалары, рециркулятордары, харахха ыытыллар эппэрэссийэ малын-салын илдьэ тиийиэхтээх этибит. Таһаҕас уопсайа балтараа туонна ыйааһыннаах. Крым муостатыгар, быһылаан кэннэ, эбии бэрэбиэркэлэр ыытыллыллар. Саха Сирин бастайааннай бэрэстэбиитэлистибэтигэр уонна өрөспүүбүлүкэ өттүттэн көрсүбүт дьоннорбутугар махтанабын», – диэн Иван Луцкан кэпсээтэ. Билиҥҥи туругунан, быраастар командировкаларын болдьоҕо быһаарылла илик.
Санаттахха, ДНР бырабыыталыстыбатын бэрэссэдээтэлэ Ил Дархан Айсен Николаевка исписэлиистэри көмөҕө ыытар туһунан көрдөспүтэ.
Николай Борисов хаартыскаҕа түһэриилэрэ.
-
0
-
0
-
0
-
0
-
0
-
0
