Петербург олохтоохторун ЗАГС-ҕа уонна эбийиэк таһынааҕы учаастакка бөх-сыыс ыһары туһааннаах уурааҕынан хааччахтыахтара.
Ити курдук, Санкт-Петербург бырабыыталыстыбата үөрүүлээх быһыыга-майгыга ыал буолуу бэрээдэгин туһунан уураах бырайыагын оҥордо. Докумуоҥҥа киирбит ирдэбилинэн, ЗАГС саалатын иһигэр уонна киирии аан кирилиэһигэр тимир харчыны уонна куруупаны ыһар-тоҕор бобуллар. Хааччахтааһыннарга эбии сибэкки дьөрбөтө уонна кэмпиэт киирдилэр. Ону сэргэ былаастар ыал буолааччы тас көрүҥүн, ол иһигэр таҥас-сап, макияж көмөтүнэн сирэйин моһуонун, тас көрүҥүн, таҥаранан анаммыт дьахтар эбэтэр эр киһи буолар аналын көстүүтүн уларытарга бобуу олохтонор. Мантан инньэ, үөрүүлээх күҥҥэ эдэрдэртэн мааны дьыалабыай таҥас-сап ирдэнэр.
ЗАГС хосторугар арыгыны иһии, табаҕы тардыы, эстрада ырыаһыаттарын ыҥырыы, дорҕоонноох аппаратураны туһаныы, куруппаны, сибэкки дьөрбөтүн, тимир харчыны ыһыы-тоҕуу уонна пиротехниканы туһаныы бобуллар.
- 2
- 0
- 0
- 0
- 0
- 0