— Уопсастыбаттан маннык этии киирбитэ быданнаата, өйүөххэ наада. Эрэгийиэннээҕи «Бочуот дуоската» — бу үтүө суобастаах эрэгийиэн социальнай-экэнэмиичэскэй сайдыытыгар боччумнаах кылааты киллэрбит, үлэ кэлэктииптэрин уонна оҥорон таһаарыыга бастыҥ исписэлиистэрин уопутун киэҥ эйгэҕэ тарҕатыы буолар.
Приморскай кыраайтан, быстах байыаннай хомуур чэрчитинэн, 7400-тэн тахса үлэһит ыҥырыллан барбыта. Оттон биир идэлээхтэрэ, күн бүгүн кинилэр тустарыгар үлэлэрин салгыыллар. «Бочуот дуоската» үүнэр көлүөнэни иитэр-үөрэтэр, оҥорон таһаарыы үлэлэргэ бастыҥнары өй-санаа өттүнэн көҕүлүүр сиэр-майгы буолар. Хас биирдии киһи аата – кинини эрэгийиэн таһымыгар чиэстээһин эрэ буолбатах, бу бүтүн дойду олохтоохторугар дьоһун суолталаах үлэ түмүктэрин сыаналааһын, — диэн Владимир Исаков этэр.
Парламентарий Владивостокка Суханов аатынан искибиэргэ «Бочуот дуоскатын» туруорарга этии киллэрдэ. Бырайыак дизайнын ырытан оҥорууну Приморскай кыраай Идэлээх сойуустарын Федерацията бэйэтигэр ылынна. Ону тэҥэ сойуус үлэһиттэрэ эрэгийиэн бырабыыталыстыбатын кытта «Бочуот дуоскатыгар» хандьыдааттары талыыга көхтөөх кыттыыны ыларга бэлэмнэрин эттилэр.
-
0
-
0
-
0
-
0
-
0
-
0
