Анал байыаннай эпэрээссийэ кэмигэр миинэ эстиитигэр түбэһэн эчэйиини ылбыт, ол да буоллар байыастар төгүрүктээһинтэн тахсалларыгар көмөлөспүт. Кинини аэропортка чугас дьоно, доҕотторо, Дьокуускайдааҕы кадетскай оскуола иитиллээччилэрэ көрүстүлэр.
Георгий бойобуой доҕоро маннык кэпсиир: «Георгийдыын тэҥҥэ штурмнарга кыттарбыт. Кини төһө даҕаны эчэйии ыллар, сулууспатын бырахпатаҕа. Хорсун быһыы оҥорон, байыастары төгүрүктээһинтэн таһаарбыта. Бу быһыытынан РФ судаарыстыбаннай наҕараадатыгар түһэрдилэр. Георгий тыыннаах төрөөбүт Сахабыт Сиригэр эргиллибититтэн олус үөрэбин».
Георгий Федорову тырааныспар уонна суол-иис хаһаайыстыбатын миниистирэ Владимир Сивцев көрүстэ. Кини иһитиннэрбитинэн, Сахабыт Сирин бырабыыталыстыбата анал байыаннай эпэрээссийэ сириттэн-уотуттан төннөр уолаттарга сөптөөх көмө оҥоһулларыгар үлэлэһэр. Төннүбүттэр бары чэбдигириини аһыахтара, дьиэ кэргэннэригэр өйөбүл олохтонуо.
Санатан эттэххэ, “Боотур” баҕа өттүнэн барааччылар этэрээттэрэ бу сыл бэс ыйыгар тэриллибитэ. Сэтинньи иккис күнүгэр Дьокуускай куоракка этэрээт сүрүн састааба төннүбүтэ.
-
0
-
0
-
0
-
0
-
0
-
0
