Уфаҕа «Оскуола бастыҥ остолобуойа-2022» күрэх саҕаланна
Издательский дом Редакция Подписка
Погода в Якутске: . -40 oC

Бүгүн, сэтинньи 21 күнүгэр, Уфатааҕы «Торатау» конгресс- холлга «Бүтүн Арассыыйатааҕы оскуола бастыҥ остолобуойа – 2022» федеральнай куонкурус үөрүүлээх аһыллыыта буолла.

Бүгүн, сэтинньи 21 күнүгэр, Уфатааҕы «Торатау» конгресс- холлга «Бүтүн Арассыыйатааҕы оскуола бастыҥ остолобуойа – 2022» федеральнай куонкурус үөрүүлээх аһыллыыта буолла.

Маны тэҥэ «Оскуола остолобуойа үөрэнээччилэргэ чэбдигирдэр аһылык экосистемата» научнай-практическай конференция саҕаланна. РФ Үөрэх министиэристиэбин көҕүлээһининэн, оскуола повардарын уонна ас- үөл исписэлиистэрин идэтийбит күрэхтэһиитэ иккис сылын ыытыллар. Федеральнай күрэх түһүмэҕэр эрэгийиэн таһымыгар  талыллыбыт  оскуола бастыҥ остолобуойдарын үлэһиттэрэ кытталлар. Быйыл дойду  75 эрэгийиэниттэн 400-кэ күрэхтэһээччи кыттар.

WhatsApp Image 2022 11 21 at 11.44.42 1

«Оскуола бастыҥ остолобуойа- 2022» федеральнай күрэххэ «Кулинарнай батл» повардар биирдиилээн күрэхтэрэ, «Оскуола аһа-үөлэ 3.0» тематическай остуол быыстапката, «Төрөппүттэртэн үс ыйытык» блиц-күрэх, «Куттала суох пищеблок» квест-практикум буолуоҕа.

1 copy

Башкириятааҕы Үөрэх уонна билим министиэристибэтэ бэлиэтииринэн, быйыл куонкурус улахан хамыыһыйата тэрилиннэ. Күрэҕи сыаналааһыҥҥа «Бэйэбит быһаарабыт» Бүтүн Арасыыйатааҕы бырайыак кыттыылаахтара тардыллыахтара. Сэтинньи 22 күнүгэр «Оскуола остолобуойун бастыҥ повара-2022» кыайыылааҕын наҕараадалыахтара. Сүрүн бирииһи Башкирия Өрөспүүбүлүкэтин Аҕа баһылыга  Радий Хабиров туттарыаҕа.

04a36c31 26a3 47d2 813b 1e1c5826cfc3

Салгыы Москваҕа «Куораттааҕы оскуола бастыҥ остолобуойа-2022», «Тыа сирин оскуола бастыҥ остолобуойа-2022», «Мөлүйүөннээх куораттааҕы оскуола бастыҥ остолуобуйа-2022» номинацияларга кыайыылаахтары сэтинньи 24 күнүгэр Уопсастыбаннай палаата былаһааккатыгар чиэстиэхтэрэ диэн Башинформ.рф иһитиннэрдэ.

1ef7ca2e 8bfe 40c1 afb7 3329a4a0ca2d

Санаттахха, Саха Сирин "Куораттааҕы оскуола бастыҥ остолобуойа" уонна "Тыа сирин оскуола бастыҥ остолобуойа" икки номинацияҕа бастыҥ оскуола остолобуойдара ааттаммыттара. Никифор Кирикович Седалищев-Дьүөгэ Ааныстыырап аатынан Үөһээ Бүлүү улууһун Кэнтик орто оскуолата "Тыа сирин бастыҥ оскуола остолобуойа -2022" номинацияҕа кыайыылаах буолбута. Федеральнай күрэххэ хамаанданан повардар Вера Дмитриева, Людмила Семенова, салайааччылара -  оскуолаҕа иитэр үлэҕэ сэбиэдиссэйэ Степан Родионов, "Оҕо технопарката" эбии үөрэхтээһиҥҥэ дириэктэри солбуйааччы Екатерина Иванова уонна оскуолаҕа мэдиссиинэ сиэстэрэтэ Саргылана Стручкова кытталлар.

Бу иннинээҕи сонуннары манна аах:

Кэнтиктэн өрөспүүбүлүкэ бастыҥ повардара айаҥҥа туруннулар

Өрөспүүбүлүкэ бастыҥ оскуола остолобуойдара билиннилэр

  • 9
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости