Үөрэх министиэристибэтэ иһитиннэрэринэн, маҥнайгы кылааска киирии хампаанньата икки этаабынан барыа.
1 этаап болдьохторо муус устар 1 күнүттэн бэс ыйын 30 күнүгэр диэри.
Бу түһүмэххэ оскуолаҕа сыһыарыллыбыт оройуоҥҥа олорор оҕолору, чэпчэтиинэн туһанааччылары, ону тэҥэ уочарата суох бастакы киирээччилэртэн ылыахтара.
Кулун тутар 17 күнүттэн “Госуслуги” сайтка сайабылыанньа черновига арыллыаҕа. Онтон муус устар 1 күнүгэр эрдэ толорбут черновиккытын ыытыаххытын сөп.
Иккис этап от ыйын 6 күнүттэн балаҕан ыйын 5 күнүгэр диэри ыытыллар. Манна оҕо бырапыыыскатынан ханнык оскуолаҕа сыһыарылларын көрбөттөр. Оскуолаҕа миэстэ баар эрэ түгэнигэр ылыахтара.
Бастакы түһүмэх кэнниттэн оскуолаҕа хас миэстэ баарын туһунан иһитиннэриини үөрэх тэрилтэлэрэ от ыйын 5 күнүгэр диэри чопчулуохтаахтар. Манна уочарат быһыытынан зачисление буолар.
Оҕону маҥнайгы кылааска биэрэргэ ким ураты быраабы туһанарый?
Уочарата суох быһа киирэр быраабынан силиэстийэлиир кэмитиэт, судьуйалар уонна прокуратура үлэһиттэрин оҕолоро туһаналлар. Ону тэҥэ, байыаннай дьайыы кыттыылаахтарын оҕолоро киирдилэр.
Полиция, ФСИН, МЧС, таможня, байыаннайдар үлэһиттэрин оҕолоро уочаракка маҥнайгынан киирэллэр. Оттон биир оскуолаҕа үөрэнэр убайдаах, эдьийдээх буоллаҕына, эмиэ уочаракка инники хапсар.
Сайабылыанньаны толорорго ханнык докумуон ирдэнэрий?
– төрөппүт пааспара
– оҕо төрөөбүтүн туһунан туоһулуур докумуон
– оҕо олорор сирин туоһулуур докумуон
Оскуола атын докумуоннары эбии ирдэһиэн сөп. Онон оҕоҕутугар сыһыаннаах докумуону чугас тутаргытын сүбэлиибит.
“Госуслуга”сайт нөҥүө сайабылыанньаны хайдах биэрэбит?
“Госуслуга” сайтыгар поисковикка “Запись 1 класс” диэн суруйабыт.
“Подать заявление” диэни талабыт.
Логин уонна пароль көмөтүнэн авторизацияны ааһабыт.
Сайабылыанньа электроннай форматын толоробут.
Сайабылыанньаҕын тустаах оскуола туппутун туоһулуур эппиэти күүт (тус кэбиниэккэр көрүөххүн сөп).
Сайабылыанньаҕын туппуттарын туһунан иһитиннэриитэ тут.
Хаартыска: Дьокуускай куорат 35 №-дээх оскуолатын 1 "а" кылааһын архыыбыттан
-
0
-
0
-
0
-
0
-
0
-
0
