Кэпсэтиигэ Судаарыстыбаннай Дуума сенатордара, дьокутааттар, эрэгийиэннэр былаастарын уонна уопсастыбаннай палаата бэрэстэбиитэллэрэ кытыннылар. Саха Сириттэн Ил Түмэн дьокутаата Алена Атласова дакылаат оҥордо.
«Саха Өрөспүүбүлүкэтигэр дьиэ кэргэн уонна судаарыстыба духуобунай-сиэр сыаннастарын харыстыырга уонна бөҕөргөтүүгэ бары бииргэ үлэлиибит. Дьиэ кэргэн, элбэх оҕолонуу хайысхаларыгар, төрүттэрбититтэн илдьэ кэлбит сыаннастарбытын көлүөнэттэн көлүөнэҕэ тиксэрэн иһиигэ олоҕуран үлэ ыытыллар», — диэтэ парламентарий бэйэтин этиитигэр.
Ил Түмэн тустаах хайысхаҕа сис кэмитиэтин салайааччыта Алена Атласова Владимир Путин ыйааҕар быһаарыллыбыт дьиэ кэргэн, үгэскэ кубулуйбут духуобунай-сиэр сыаннастарын туһунан судаарыстыбаннай бэлиитикэ өрөспүүбүлүкэҕэ үлэтин туһунан эттэ.
Кини кэллиэгэригэр өрөспүүбүлүкэ сокуонун, оҕону уонна дьиэ кэргэни өйүүр миэрэлэри, уопсастыбаннай түмсүүлэр үлэлэрин кэпсээтэ. Сылын аайы Ил Дархан Айсен Николаев көҕүлээһининэн, өйөбүлүнэн социальнай бырагыраамалары үбүлээһин эбиллэ турара этилиннэ. Бу демографияҕа үтүө түмүктэри биэрэр.
СИА.
-
0
-
0
-
0
-
0
-
0
-
0
