Киэһэ алта чаастан көрөөччүлэргэ Сунтаар алгыстаах оһуокайын, олоҥхотун, тойугун түһүлгэтэ тэриллиэ диэн тэрийээччилэр этэллэр. Тэрээһин кэмигэр Сунтаар улууһун бэйэ оҥорон таһаарар бородууксуйатын атыыта ыытыллыа. Кэрэни сэргээччилэр уустар, уран тарбахтаахтар быыстапкаларын көрүөхтэрэ. Киэҥ түһүлгэҕэ “Сарсын, сарсын сарсыарда” С.А.Зверев – Кыыл уолун олоҕун сырдатар айымньылар, киниэхэ анаммыт кинигэлэр быыстапкалара туруо.
Манна даҕатан эттэххэ, Сергей Зверев саха норуотун чулуу ырыаһыта, оһуохайдьыта, тойуксута, саха үҥкүүтүн айан хаалларбыт киһибит буолар. Кини бэйэтин дьыалатын ураты баһылаабыт, саха фольклора сайдыытыгар, үйэтитиитигэр ураты улахан кылааттаах. 1939 сыллаахха ССРС суруйааччыларын чилиэнэ буолбута кини литэрэтиирэҕэ, култуураҕа үрдүк таһымын, ааҕааччы сэҥээриитин ыларын, идэтигэр бэриниилээҕин туоһута.
Санатан эттэххэ, сыл устата үбүлүөйдээх тэрээһиннэр чэрчилэринэн лекциялар, быыстапкалар, кэнсиэрдэр ыытыллыахтара.
-
1
-
0
-
0
-
0
-
0
-
0
