Саха Сирин араас улуустарыттан кытта сылдьар 19 хамаандаттан 18 элбэх оҕолоох дьиэ кэргэн буолалларын сэҥээрэ иһиттим. Ол курдук, Өлөөнтөн Боягирдар уонна Сунтаартан Корниловтар аҕыстыы оҕолоох дьиэ кэргэттэр. Горнайтан Никаноровтар сэттэ, Бүлүүттэн Жирковтар, Нам Харатаала дьиэ кэргэттэрэ алталыы оҕолоохтор. Ньурба Барабанскайдара, Таатта Жегусовтара, Чурапчы Крыловтара бэһиэлэр. Атыттара да бары 3-түү, 4-түү оҕолоохтор.
Демьян Михайлович уонна Ярослав Петровтар Өлүөхүмэ улууһун чиэһин көмүскээтилэр. Кинилэр Хоро нэһилиэгиттэн төрүттээхтэр, билигин Өлүөхүмэ куоратыгар олороллор:
– Мин “Аҕа күрэҕэр” үһүс кыттыым. Бу иннинэ Тааттаҕа уонна Мэҥэ Хаҥаласка улахан уолбун кытары киирсибиппит. Быйыл орто уолбунаан Ярославтыын улуус чиэһин көмүскүүбүт. Быйылгы үбүлүөйдээх күрэхтэһииттэн уот ыла, нууччалыы эттээххэ “зарядтана” сылдьабыт. Адреналин бөҕөтө. Сылайбыт да киһи бачча ыһыыга-хаһыыга умса түһэ-түһэ барар. Тыа сиригэр олорорбутунан, уопуттаахпытынан сүбэлээтэххэ, маннык күрэххэ кыттарга өрүү дьарыктана сылдьыахха наада. Ордук сүүрүүнэн, хайыһарынан, күүстээх көрүҥнэринэн. Тулуур, дьулуур эмиэ ирдэнэр.
-
0
-
0
-
0
-
0
-
0
-
0
