Күрэхтэһии маҥнайгы күнэ бэҕэһээ, от ыйын 25 күнүгэр ыытыллыбыт. Манна 75 мм дроннары салайыыга киирсибиттэр, оттон бүгүн пилоттар 200 мм дроннары көтүтүөхтэрэ.
Тэрээһин үөрүүлээх быһыыга-майгыга арыллыытыгар судьуйалары, тэрийээччилэри уонна кыттыылаахтары үөрэҕирии уонна билим миниистирэ Нюргуна Афанасьевна Соколова, инновация, сыыппара сайдыытын уонна инфокоммуникационнай технология миниистирэ Василий Васильевич Ефимов, физическай култуура уонна успуорт миниистирин солбуйааччы Аида Константиновна Антонова, Арассыыйа дроннарынан күрэхтэһии Федерациятын успуорка бырайыактарын менеджера Валерий Борисович Флягин о.д.а. эҕэрдэлээтилэр.
Нюргуна Афанасьевна бэлиэтээбитинэн, пилота суох көтүтүү уонна дроннары сайыннарыы судаарыстыбаннай бэлиитикэ биир хайысхатынан буоллулар: “Бу салаа дойдубут бары эрэгийиэннэригэр сайдар. Биһиги өрөспүүбүлүкэбит, ол иһигэр үөрэҕирии эйгэтэ хаалсыбаппыт. Саҥа хайысхаттан экэниэмикэ үгүс салаата тутулуктаах. Онон оскуолаларга, кэллиэстэргэ, үрдүк үөрэх кыһаларыгар, эбии үөрэхтээһиҥҥэ билиини тарҕатабыт, киллэрэбит”.
Кини санаппытынан, Саха Сирэ дойдубут 30 пилотнай эрэгийиэннэрин иһигэр киирэн, 17 оскуоланы анал малынан-салынан хааччыйар уонна педагогтары бэлэмниир кыахтанна. Дьокуускайдааҕы П.И.Дудкин аатынан сибээс уонна информационнай технологиялар кэллиэстэрин иһинэн пилота суох көтөр аппарааттары көтүтэр оператордары үөрэтэр киин үлэлиир.
Хаартыскалар: үөрэх уонна билим министиэристибэтин пресс-киинэ.
Сиһилии: https://minobrnauki.sakha.gov.ru/news/8920
-
0
-
0
-
0
-
0
-
0
-
0
