Куонкуруска 8 вокальнай-инструментальнай ансаамбыл бөлөхтөрө, 60 кыттааччы, 10 салайааччы кытынна.
Дьүүллүүр сүбэҕэ эстрадатын сулустара Ульяна Ли-Фу ‒ Күннэй, Петр Петров ‒ Бүөккэ Бөтүрүөп, Михаил Борисов, Табаҕатааҕы оҕо ускуустубатын оскуолатын “Фортепиано” салаатын уһуйааччыта Ю.Г.Иннокентьева үлэлэстилэр.
Гран-при үрдүк ааты ылары Орто Халыма улууһуттан «Ыллык» ВИА («Спектр» оҕону эбии үөрэхтээһин киинэ, салайааччы В.В.Киприянов) ситиһэн сүрүн бирииһинэн 20000 солкуобайдаах сэртипикээтинэн уонна куубагынан наҕараадаланнылар.
Бастакы истиэпэннээх лауреат үрдүк аатын уонна 10.000 сэртипикээти Уус Дьааҥы улууһуттан «Тумат» (Н.И.Слепцов) тутта. Иккиһи уонна 7000 сэртипикээти Чурапчы улууһуттан «Сырдык күүс» (А.Г.Борисов), үсүһү уонна 6000 сэртипикээти Майаттан «Алтан» (Диана Пинигина, И.Г.Тимофеев аатына Майатааҕы лиссиэй) ыллылар. Дипломаннарынан М.К.Попова аатынан Майатааҕы оҕо ускуустубатын оскуолатын «Тыал» бөлөҕө (Д.С.Санников),
Хаҥалас улууһуттан «Дайан» (В.С.Кузьмин), Суола-Табаҕа холбоһуктаах «Кэрэли» бөлөҕө (Г.Е.Борисов, М.Р.Сыромятникова, Ю.Г.Иннокентьева) ааттаннылар.
«Бастыҥ салайааччы» ‒ А.Г.Борисов («Сырдык күүс» бөлөх, Чурапчы), «Дебют» ‒ «Кэрэли» бөлөх (Мэҥэ Хаҥалас, Г.Е.Борисов, М.Р.Сыромятникова, Ю.Г.Иннокентьева), «Бастыҥ клавишник» ‒ «Ыллык» (Орто Халыма, В.В.Киприянов), «Бастыҥ бас-гитарист» ‒ «Тумат» (Уус Дьааҥы, Н.И.Слепцов), «Бастыҥ вокал» ‒ «Тыал» (Мэҥэ Хаҥалас, Д.С.Санников), «Бастыҥ барабанщик» ‒ «Ыллык» (Орто Халыма, В.В.Киприянов), «Бастыҥ гитарист» ‒ «Тумат» (Уус Дьааҥы, Н.И. Слепцов), «Эдэр кыттааччылар» ‒ «Кэрэли» (Мэҥэ Хаҥалас, Г.Е.Борисов, М.Р.Сыромятникова, Ю.Г.Иннокентьева), «Көрөөччү биһирэбилэ» ‒ «Сырдык күүс» (Чурапчы, А.Г.Борисов), «Бастыҥ соло-гитарист» ‒ «Сырдык күүс» (Чурапчы, А.Г.Борисов) анал ааттарына бэлиэтэннилэр.
Оҕо аймах айар дьоҕурун сайыннарыыга, талаанын өйөөһүҥҥэ тирэх буолбут бары успуонсардарбытыгар махталбытын тиэрдэбит: «Тараҕай нэһилиэгэ» тыа сирин түөлбэтэ, баһылык Ю.А. Порядин; «Якутнацпродукт» А.П., Р.Р.Герасимовтар; Капиталина, Иван Бурнашевтар ааттарынан Табаҕатааҕы култуура киинэ, салайааччы Е.Г.Бурнашева; харчынан сертификат бирииһин олохтообут П.П.Егоров аатынан Табаҕатааҕы оҕо ускуустубатын оскуолатыгар (дириэктэр А.К. Кузьмин); П.П.Егоров аатынан Табаҕатааҕы оҕо ускуустубатын оскуолатын “Гитара” салаатын уһуйааччытыгар Г.Е.Борисовка; Төҥүлүттэн «Аартык» бөлөх, сал. Петр Заровняев;“Нижний Бестях” атыы-эргиэн киинин “Голден” маҕаһыыныгар (ИП А.И.Васильева); Табаҕатааҕы олохтоох «Аргыс» маҕаһыыҥҥа (ИП Т.В.Лонгинова); «Суола ситимэ» (сал. Аммосова Е.П.), «Саха саунд» прокатнай тэрилтэ (звук, уот), салайааччы А.А.Дмитриев.
Бэстибээл бука бары кыттааччыларыгар сайда-үүнэ тураргытыгар, кэрэҕэ тардыһыылаах ыччат дьон буола үүнэн тахсаргытыгар диэн тэрийэр хамыыһыйа аатыттан алгыспытын аныыбыт.
Сонун төрдө уонна хаартыска: "Эркээйи", Света Елисеева
-
0
-
0
-
0
-
0
-
0
-
0
