«Роскомнадзор ситуационнай киинигэр видео оонньуулары быраап өттүнэн сүрүннээһини дьүүллэстибит. Кэллиэгэлэрбэр биһиги сокуону таһаарар көҕүлээһиммитин кэпсээтим. Бу сокуон барылын Госдуума ыам ыйыгар эбэтэр бэс ыйыгар бастакы ааҕыыга көрүөн сөп», - диэн бэлиэтээтэ Антон Горелкин.
Дьокутаат этэринэн, видео оонньуулары чинчийии төгүрүк остуол биир тутаах тиэмэтинэн буолла. Сокуон барыла эспиэрдэри кабмин аккредитациялааһынынан дьарыктанар федеральнай ситэриилээх былаас уорганын быһаарарыгар этэр. Маннык уорганынан Минцифры буолуон сөп, кини базатыгар анал эспиэрдиир сэбиэт тэриллиэҕэ. Маны сэргэ, талыы быһыытынан, Роскомнадзор эмиэ буолуон сөптөөх.
«Кэллиэгэлэрим номнуо иккис ааҕыыга кэккэ көннөрүүлэри киллэрэргэ эттилэр. Холобура, үҥсүүлэри көрөр суут иннинээҕи процедураны бэрээдэктиир, интэриэстэр иирсээннэрин кутталын туоратар уонна эспиэрдэргэ ирдэбили чопчулуур этиилэр киирдилэр», - диэтэ Горелкин.
Маны таһынан, эспиэртэр релевантнай уопуттаах, о.э. видео оонньуулар сценарийдарын оҥорууга быһаччы кыттыбыт, бу чэпчэкитэ суох тиэмэҕэ дириҥ билиилээх буолалларын учуоттуурга этиллэр.
Эрдэ «Парламентская газета» хаһыакка Горелкин төрөппүттэргэ арҕааҥҥы видео оонньуулар контеннарыгар болҕомтолоох буолалларыгар сүбэлээтэ.
Сиһилии ПГ ааҕыахха сөп: https://www.pnp.ru/social/gosduma-v-mae-iyune-mozhet-rassmotret-zakonoproekt-o-regulirovanii-videoigr.html
-
0
-
0
-
0
-
0
-
0
-
0
