Түмэл сэбиэдиссэйэ Маргарита Попова Былатыан Ойуунускай саха тылын сайыннараары, Москуба куоракка үөрэнэ барбытыттан саҕалаан хааһахтан хостоон эрэр курдук уус тылынан кэпсээтэ. Быйыл саха национальнай байыаннай оскуолата тэриллибитэ 100 сыла туоларын, Тааттаттан элбэх офицердар үүнэн тахсыбыттарын оҕолорго сиһилии билиһиннэрдэ.
Быйыл норуоттар сомоҕолоһууларын сылынан түмэлгэ көһө сылдьар экспонаттар Уус Таатта оскуолатын түмэлиттэн кэлбиттэрин Маргарита Арисовна астына көрдөрдө. Ол курдук ити оскуолаҕа уһуннук пионер баһаатайынан үлэлээн биллэр-көстөр суолун –ииһин хаалларбыт Клара Петровна Колодезникова салайан үлэлэппит КИД (клуб интернациональной дружбы) сылдьыбыт оҕолор араас омуктары кытта суруйсубут суруктарын, ССРС састаабыгар баар 15 омук таҥастарын тиктэрэн мунньубут куукулаларын олус сэҥээрдилэр.
Киин библиотека үлэһитэ Светлана Игнатьева анал байыаннай дьайыыга сылдьар саллааттарга почта дьааһыгар оҕолор сурук суруйуохтарын сөп диэн сүбэлээтэ. Лена Неустроева, Лидия Аргунова оҕолорго кинигэни кытта үлэҕэ көмөлөстүлэр. Ити курдук, оҕолор эһиил тохсус кылааска сылдьыахтаах ааҕар балаҕаннарын кытта билистилэр.
Сонун төрдө уонна хаартыска: "Таатта" хаһыат саайта.
-
0
-
0
-
0
-
0
-
0
-
0
