Ирина Егоровна сырдаппытынан, Анал байыаннай дьайыыга сылдьар биир дойдулаахтарбытын таҥаһынан хааччыйыыга анаан үлэлиир «Илии сылааһа» иис сыаҕа 14 салаалаах, олортон биирдэстэрэ Таатта улууһугар күн бүгүн үлэлии олорор «Харыстаана» иис сыаҕа буолар.
Иис сыаҕын үһүс сылын Анна Никифорова бэйэтин курдук уопсастыбанньыктары түмэн үлэлэтэр. Сыахха педагог идэлээхтэр уонна олох-дьаһах өҥөтүн оҥорор кэмбинээт иистэнньэҥ бэтэрээннэрэ үлэлииллэр.
Сыах иккис сылын Таатта нэһилиэгин баһылыга Егор Павлов өйөбүлүнэн үлэлии-хамсыы олорор. Сыахха болҕомтону ууран, Харбалаахтааҕы чох разреһа (салайааччы Ил Түмэн дьокутаата Прокопий Рахлеев) оверлоктарынан, «Тааттавтодор» тэрилтэ (салайааччы Иван Бочонин) матырыйаалынан хааччыйан улахан көмөнү оҥорбуттар.
Иистэнньэҥнэрбит барыбытыгар холобур буолан, тустаах уонна дьиэтээҕи үлэттэн быыс булан, илиилэрин сылааһынан иистэнэн эйэлээх олоҕу уһансаллар.
Бу күн Ирина Егоровналаах салгыы Төҥүлүгэ, Таракка сылдьан, сыахтар үлэлэрин билистилэр.
Бу курдук үтүө санаалаах ийэлэр, эбэлэр, тус санааларынан ыраас халлаан анныгар нус-хас олоҕу олохтуурга үлэлииллэр.
-
1
-
0
-
0
-
0
-
0
-
0
