«Бойобуой дьайыылар кыттыылаахтара уонна кинилэр чугас дьонноро «Бэс Чагда» Москуба аннынааҕы санаторийга социальнай уонна мэдиссиинэ реабилитациятын 5481 өҥөтүнэн туһаннылар. 250 дьиэ кэргэҥҥэ олорор дьиэлэрин гаастааһыҥҥа матырыйаалынай көмө оҥоһулунна», – диэн вице-премьер бэлиэтээтэ.
Кини этэринэн, 707 киһиэхэ байыаннай сулууспалаах эмтэнэр сиригэр тиийэригэр матырыйаалынай көмө көрүллүбүт. 44 киһиэхэ (ол иһигэр ойохторго уонна 2 инбэлиитАБДь кыттыылаахтарыгар) тырааныспар суоппардарын идэлээх бэлэмнэнии бырагыраамаларыгар үөрэнэр ороскуоттарын толуйуу оҥоһуллубут. 788 киһи дьиэтигэр уонна стационар аҥаарадаах көрүҥүнэн социальнай өҥөлөрүнэн туһаммыт.
Нэһилиэнньэ дьарыктаах буолуутун киинигэр үлэ булалларыгар көмө көрдөөн 1444 киһи сырытта, ол иһигэр 682 АБДь кыттыылааҕа уонна 762 байыаннай сулууспалаахтар дьиэ кэргэттэрин чилиэттэрэ. Кинилэртэн 271 киһи идэлээх үөрэххэ ыытылынна, оттон 883 киһи номнуо үлэҕэ киирдэ.
Хаартыска: Эрэдээксийэ архыыбыттан
-
0
-
0
-
0
-
0
-
0
-
0
