Урбаанньыттар пуорумнара 800-чэкэ киһини түмтэ. Кыттааччыларга эспиэрдэр кыттыылаах пленарнай сиэссийэлэри, маастар-кылаастары, төгүрүк остуоллары, үөрэх вебинардарын, дьыалабыай оонньуулары ыыттылар, уопсайа 39 былаһаакка үлэлээтэ. Манна федеральнай структуралар, бааннар уонна ситиһиилээх эрэгийиэннээҕи хампаанньалар бэрэстэбиитэллэрэ кытыннылар, 90 эспиэр тыл эттэ. Бырагыраама саҥа саҕалааччыларга уонна уопуттаах урбаанньыттарга, туристарга, ювелирдарга, логистарга уонна финансистарга ананна.
Александра Михайловна Николаева, Амма улууһугар “Мин биисинэһим” киин бэрэстэбиитэлэ:
-- Амматтан 8 урбаанньыты кытары киирдим. “Бизнес-экспоҕа” кытынныбыт, оҥорон таһаарааччыларбыт бородууксуйаларын илдьэ киирбиппит. Атыы-кутуу үчүгэй, табаар хамаҕатык атыыга барда. “Абага-агро” СХПК диэн быйыл саҥа тэриллибит тыа хаһаайыстыбатын бородууксуйатын билиһиннэрдэ. Урбаанньыт Мария Егоровна Иванова коза үүтүттэн, этиттэн табаардарын атыылаата. Кини “Козель Можитэль” диэн утаҕы, шашлык, ис миинин атыылаата. Ону таһынан коза ис сыатыттан мыыла оҥорон быыстапкаҕа туруорда. Амма мүөтэ, бурдуга, халбаһыытра атыыга турда.
Маннык пуорумнар тэриллэллэрэ олус үчүгэй буоллаҕа дии! Атыылааһын эрэ буолбакка, билиини кэҥэтии, дьону-сэргэни кытары билсии. Улууспутугар турукпут туһунан кэпсээтэххэ, саҥа дьыл саҕана 700-тэн тахса бэлиэтэммит урбаанньыт баара. Билигин аҕыйаатыбыт – 636 буоллубут. Ол төрүөтүнэн түһээҥҥэ уларыйыылар ыытыллан элбэх киһи таҕыста. Ол оннугар бэйэ дьарыктаахтар ахсааннара элбээтэ -- 1500 киһи кэриҥэ.
Ааптар хаартыскаҕа түһэриилэрэ
-
0
-
0
-
0
-
0
-
0
-
0
