Гражданскай оборона күнүнэн ис сүрэхпиттэн эҕэрдэлиибин!
Быйыл биһиги дойдубут куттала суох буолуутун хааччыйыы биир сүрүн элеменинэн буолар гражданскай оборона систиэмэтэ олохсуйбута 94 сылын бэлиэтиибит. Бүгүн, уустук тургутуулар кэмнэригэр, гражданскай оборона көдьүүстээх уонна биир сомоҕо үлэтэ ураты суолталанан турар. Туох баар кутталларга бэлэм буолар туһугар, биһиги материальнай-тиэхиньиичэскэй баазаны утумнаахтык бөҕөргөтөбүт, каадырдары бэлэмнээһини сайыннарабыт уонна аныгы быһаарыылары киллэрэбит.
Гражданскай оборона бэтэрээннэригэр ураты махтал тылларын аныыбын. Эһиги бигэ идэҕэ үгэстэри олохтообуккут, элбэх көлүөнэ исписэлиистэри иитэн таһаарбыккыт уонна кинилэргэ сыаналаах уопуту биэрбиккит. Дьэ, бу акылаакка билиҥҥи систиэмэ үлэтэ тутуллар.
Биһиги сомоҕолоһуулаах, идэҕэ уонна дьыалаҕа бэриниилээх буоллахпытына, ханнык баҕарар уустуктары туоруохпут уонна гражданнары эрэллээхтик харыстыахпыт диэн эрэнэбин. Эһиэхэ саҥа ситиһиилэри, кытаанах доруобуйаны, эйэни, нус-хас олоҕу уонна дьиэ кэргэттэргитигэр этэҥҥэ буолууну баҕарабын!
Саха Өрөспүүбүлүкэтин нэһилиэнньэтин олоҕор-дьаһаҕар куттал суох буолуутун хааччыйыыга уонна гражданскай оборона дьыалаларыгар миниистирэ Дмитрий Лепчиков.
Сонун төрдө уонна хаартыска: Саха Өрөспүүбүлүкэтин нэһилиэнньэтин олоҕор-дьаһаҕар
куттал суох буолуутун хааччыйыыга уонна гражданскай оборона дьыалаларыгар
министиэристибэ МАКС ханаалыттан.
-
0
-
0
-
0
-
0
-
0
-
0
