Көһөрүү үлэтэ бигэргэтиллибит былаан быһыытынан ыытыллар. Кэлиҥҥи сылларга былааннаах көрдөрүүлэри ситиһии эрэгийиэҥҥэ көһөрүү тэтимин туруктаахтык тутарга уонна олорорго табыгаһа суох дьиэ пуондатын утумнаахтык аҕыйатарга кыаҕы биэрэр диэн Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрэр.
2026 сылга уопсайа 1,9 тыһыынча киһини хаарбах дьиэ пуондатыттан көһөрөр былааннаахтар. Суох оҥоһуллар саахалланар дьиэ уопсай иэнэ 32,4 тыһ. кв. миэтэрэҕэ тэҥнэһиэҕэ.
Санатан эттэххэ, 2019 сылтан 2025 сылга диэри кэмҥэ Саха Сиригэр 50,2 тыһыынча киһи саахалланар кутталлаах дьиэттэн көһөрүллүбүтэ — бу Арассыыйа Федерациятын субъектарын ортолоругар төрдүс көрдөрүү. Бу кэм устата суох оҥоһуллубут саахалланар кутталлаах дьиэ пуондатын уопсай иэнэ 940,91 тыһ. кв. миэтэрэҕэ тэҥнэспитэ.
Саха Сиригэр «2025–2028 сылларга гражданнары саахалланар кутталлаах дьиэ пуондатыттан көһөрүү» диэн аадырыстаах бырагыраама үлэлиир. 2017 сыл тохсунньу 1 күнүгэр диэри маннык дьиэлэртэн гражданнары көһөрүүгэ эбэһээтэлистибэлэри толоруу болдьоҕо 2028 сыл балаҕан ыйын 1 күнүгэр диэри уһатылынна.
Көһөрүү үлэтэ Арассыыйа Бэрэсидьиэнэ көҕүлээбит «Олох-дьаһах инфраструктуратын» нассынаалынай бырайыагын чэрчитинэн ыытыллар уонна гражданнар олорор усулуобуйаларын хаачыстыбатын уонна куттала суох буолууларын үрдэтиигэ туһуланар. Биһиги өрөспүүбүлүкэбит курдук тыйыс килиимэттээх уонна сүүнэ киэҥ сирдээх-уоттаах дойдуга саахалланар пуондаттан көһөрүү социальнай бэлиитикэ биир сүрүн хайысхатынан буолар.
Хаартыска: Галина Матвеева
-
0
-
0
-
0
-
0
-
0
-
0
