Түөрт улуус хаарбах туруктаах дьиэлэриттэн 73 киһи киин куоракка көһүөхтэрэ
Издательский дом Редакция Подписка
Погода в Якутске: . 20 oC

Быйыл өрөспүүбүлүкэ түөрт улууһун хаарбах туруктаах дьиэлэриттэн 73 киһи Дьокуускайга саҥа кыбартыыларга көһүөхтэрэ.

Быйыл өрөспүүбүлүкэ түөрт улууһун хаарбах туруктаах дьиэлэриттэн 73 киһи Дьокуускайга саҥа кыбартыыларга көһүөхтэрэ.

Саха Өрөспүүбүлүкэтигэр «Олорор дьиэ уонна куорат эйгэтэ» национальнай бырайыак чэрчитинэн гражданнары хаарбах олорор дьиэ пуондатыттан көһөрүү бырагыраамытын олоххо киллэриитэ салҕанар.

Саха сиринээҕи ОДьКХ реформалааһыҥҥа пуонда иһитиннэрбитинэн, саахалланар хаарбах туруктаах дьиэлэргэ олорор Эдьигээн, Оленек национальнай, ону тэҥэ Үөһээ Дьааҥы, Усуйаана улууһун 73 олохтоохторугар быйыл Дьокуускай куоракка саҥа тупсаҕай кыбартыылары атыылаһары былаанныыллар.

- Муниципальнай тэриллиилэр сайаапкаларыгар олоҕуран, киин куоракка олорор дьиэлэри атыылаһыы үлэтин ыытабыт. Уопсайа 1,13 тыһ. кв.м. иэннээх 27 кыбартыыраны гражданнарга түҥэтиэхтэрэ, - диэтэ Саха Өрөспүүбүлүкэтин олорор дьиэ тутуутун Дирекция генеральнай дириэктэрэ Игорь Ткаченко.

СӨ Тутуу министэристибэтэ бэлиэтииринэн, ыраах сытар нэһилиэнньэлээх пууннарга олорор гражданнар «2019-2025 сс. гражданнары хаарбах дьиэлэртэн көһөрүү» аадырыстаах бырагырааманы олоххо киллэрии чэрчитинэн саҥа дьиэ ылыахтарын сөп. Гражданнар  муниципальнай тэриллии дьаһалталарыгар суругунан сайабылыанньа килэрэллэрэ наадалаах. Ол курдук, биэдэмистибэ иһитиннэриитинэн, былырыын Усуйаана улууһун дьаһалтатын сайаапкатынан Казачье сэлиэнньэтин 7 ыалыгар саҥа тупсаҕай кыбартыыра атыылаһыллыбыта.

Судаарыстыбаннай корпорация – ОДьКХ реформалааһыҥҥа көмөлөһөр пуонда генеральнай дириэктэрэ Константин Цицин дойду бары субъектарыттан ордук элбэх хаарбах туруктаах дьиэлэри Саха сиригэр суох оҥорор наадатын бэлиэтээбитэ.  - Ол эрэн, былааны толорууга бары кыһамньыны ууруохха уонна урут оҥоһуллубут болдьоҕу түмүгэр тиэрдэргэ бары кыаҕы көрүнүөххэ наада. Саахалланар хаарбах туруктаах дьиэлэргэ олорор гражданнар саҥа тупсаҕай уонна хаачыстыбалаах дьиэлэринэн хааччыллыахтаахтар, - диэн иһитиннэрдэ Константин Цицин.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Общество

Кыһыл тылгынан кыайбаккын

Саха кэнгириэһин бырабылыанньатын чилиэнэ Дьулустаан Осипов Кэнгириэскэ ыччаты тардыы, Ил…
29.06.22 20:12
Уопсастыба

Чахчы, Айыы аһа!

Быйыл 25-с төгүлүн ыһыллыбыт Туймаада ыһыаҕа Саха Өрөспүүбүлүкэтин 100, Дьокуускай куорат…
29.06.22 19:26