Издательский дом Редакция Подписка
Погода в Якутске: . -29 oC
КУРС ЦБ: $ 83,18 | € 96,25

Саха Сирин Аартыка уонна хоту улуустарыгар кыһыҥҥы суолу оҥоруу үлэтэ салҕанар. Бүгүҥҥү күннээх туругу Саха Өрөспүүбүлүкэтин гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга министиэристибэ МАКС ханаалыгар иһитиннэрдэ

Саха Сирин Аартыка уонна хоту улуустарыгар кыһыҥҥы суолу оҥоруу үлэтэ салҕанар. Бүгүҥҥү күннээх туругу Саха Өрөспүүбүлүкэтин гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга министиэристибэ МАКС ханаалыгар иһитиннэрдэ

Билигин массыына сырыыта маннык учаастактарга көҥүллэннэ:

"Аартыка" массыына суола

  • Черскэй бөһ. – Чукотскай автономнай уокурук кыраныыссатыгар (Аллараа Халыма улууһа) — 30 туоннаҕа диэри.

"Үөһээ Дьааҥы" массыына суола

  • Кустур сэлиэнньэҕэ киирии (Эбээн-Бытантай улууһа) — 10 туоннаҕа диэри;
  • Дьарҕаалаах сэлиэнньэҕэ киирии (Эбээн-Бытантай улууһа) — 10 туоннаҕа диэри;
  • Верхоянскай куораты эргийэр суола – Боронуук сэлиэнньэ (Дьааҥы улууһа) — 10 туоннаҕа диэри;
  • Верхоянскай куораты эргийэр суол – Уйбаан Сирэ учаастак (Дьааҥы улууһа) — 10 туоннаҕа диэри.

"Дьааҥы" массыына суола

  • Баатаҕай бөһ. эргийэр суола – Черүмчэ сэлиэнньэ (Дьааҥы улууһа) — 5 туоннаҕа диэри;
  • Бөтөнкөс сэлиэнньэ – Улахан Күөл сэлиэнньэ (Дьааҥы улууһа) — 10 туоннаҕа диэри;
  • Токума сэлиэнньэ – Томтор сэлиэнньэ (Дьааҥы улууһа) — 10 туоннаҕа диэри;
  • Томтор сэлиэнньэ эргийэр суола – Туора Үрэх (Дьааҥы улууһа) — 10 туоннаҕа диэри;
  • Баатаҕай бөһ. эргийэр суол – Сайдыы сэлиэнньэ (Дьааҥы улууһа) — 5 туоннаҕа диэри.

"Индигир" массыына суола

  • Кумах-Сыһыы – Соболоох сэлиэнньэ (Муома улууһа) — 3 туоннаҕа диэри;
  • Хонуу сэлиэнньэҕэ киирии – Буор-Сыһыы сэлиэнньэ (Муома улууһа) — 3 туоннаҕа диэри;
  • Хонуу сэлиэнньэ – Кулун-Өлбүт сэлиэнньэ (Муома улууһа) — 3 туоннаҕа диэри.

Үлэ салҕанар учаастактара:

  • "Дьааҥы": Баатаҕай бөһ. – Тополиное бөһ.
  • "Дьааҥы": Баатаҕай Алыта бөһ. – Уйбаан Сирэ учаастак.
  • "Аартыка": Буруустаах учаастак – Саһыыр сэлиэнньэ.
  • "Муома": Саһыыр сэлиэнньэ – Хонуу сэлиэнньэ.

Сэрэхтээх буолуу быраабылаларын санатабыт:

Массыыналар икки ардыларыгар 70-тан итэҕэһэ суох миэтэрэ арыттаах айаннааҥ;

Тимир көлө уйугун (грузоподъемность) хааччахтааһынын булгуччу тутуһуҥ;

Оҥоһулла илик учаастактарга тахсымаҥ уонна бобуулаах бэлиэлэри тутуһуҥ;

Ыксаллаах быһыы-майгы үөскээтэҕинэ, булгуччу 112 биир кэлим нүөмэргэ эрийиҥ.

Хаартыска: Галина Матвеева.

  • 0
  • 0
  • 0
  • 0
  • 0
  • 0