“Бүгүн Амма өрүскэ кыһыҥҥы айан суолун сабар туһунан бирикээс кэлбитинэн “Аммаавтодор” анал бэлиэлэри туруорда. Онон кыһыҥҥы айан суола сабылынна. Бүгүн баран рейдэнэн көрө сылдьыыбытыгар өрүс ырбыыланан эрэр. Көрөргүт курдук бу кэнники үс күҥҥэ күүстээх ириэһин бара турар. Суолга кэнники түспүт хаар уута элбэх, онон муус туруга анныгар күн-түүн уларыйа турар.
«Муус кытаанах буолуо» диэн бобуу бирикээһин кэһэн турар айанныыр суоппардар административнай эппиэтинэскэ тардыллыахтара. Суоппардар этэҥҥэ буолуо диэн эрэммэккэ, бэйэҕитигэр уонна дьон олоҕор кутталы үөскэтэн сабыллыбыт суолунан айаннааман диэн сүбэлиибит. Бу күннэртэн саҕалаан Госавтоинспекция бэрэбиэркэҕэ тахсыа. Сарсын, муус устар 21 күнүттэн Чакыр нэһилиэгэр тахсар кыһыҥҥы айан суола эмиэ сабыллар. Бу быһаарыыны олохтоох нэһилиэк дьаһалтата ылынан сөптөөх бирикээһи таһаарда”, — диэн Амматааҕы ГИМС салайааччыта Петр Антипин иһитиннэрдэ.
Сонун төрдө уонна хаартыска: "Амма олоҕо".
-
0
-
0
-
0
-
0
-
0
-
0
