Үчүгэй үлэтэ бэлиэтэнэн, «Үп үлэтин удаарынньыга» буолбут уонна хомсомуол 20 сылынан Обкомол бочуоттаах грамотатынан наҕараадаламмыт. Өссө ити сылга үп удаарынньыктарын сүлүөтүгэр сылдьан, Бочуот дуоскатыгар киллэриллибит уонна харчынан бириэмийэ ылбыт.
Сэриигэ 1942 сыллаахха ыҥырыллан, Кавказ оборонатыгар кыттыбыт, суолу тутар биригээдэҕэ сулууспалаабыт. Аһаҕас халлаан анныгар, буулдьа ардаҕын быыһыгар, Грознай аттыгар олус кутталлаах түгэннэри илэ көрбүт, Украинаҕа Запорожье куораты босхолооһуҥҥа кыттыбыт. Варшаваны босхолоспута, Одер өрүс кыргыһыытыгар бааһыран, госпитальга эмтэммитэ уонна Берлини ылсыбыта.
Эһэм фронтан ыыппыт суруга «Саҥа олох» хаһыакка 1944 сыл ахсынньы 22 күнүгэр тахсыбыт. Ол кэлин “Саллааттар суруктара” кинигэҕэ киллэриллибит.
Эһэм сэрииттэн дойдутугар кэлэн баран, райфиҥҥа үлэлээбит. Кэлин тыа хаһаайыстыбатын чөлүгэр түһэриигэ салайар үлэлэргэ сылдьыбыт. Сэбиэккэ бэрэссэдээтэллээбит кэмин билиҥҥэ диэри кырдьаҕастар астына кэпсииллэр. Кини дьоһун олоҕу олорон, 2001 сыллаахха олохтон туораабыта.
Эһэм суругун ааҕан, кини олус үлэһит, хорсун, тулуурдаах киһи буоларын итэҕэйэбин. Уонна күүстээх артиллерия уотун ортотунан бойобуой сорудаҕы толорон, генерал-лейтенант махталын ылан, харчынан бириэмийэлэммитин киэн тутта ааҕабын.
Кини курдук тыһыынчанан дьон оҕолорун, дойдуларын көмүскээн охсуспуттарын биһиги оҕолор кэриэстиибит. Аҕа көлүөнэ албан ааттаах олоҕо үйэлэргэ ааттана турдун!
Женя Максимов,
Х “б” кылаас.
Кэбээйи.
-
0
-
0
-
0
-
0
-
0
-
0
