Санатар буоллахха, ыам ыйын 3 күнүгэр, Ил Дархан Айсен Николаев «Өлбөт үйэлээх полк» акция ыам ыйын 9 күнүгэр онлайн ыытыллар диэн инстаграмм социальнай ситим страницатыгар иһитиннэрбитэ. Ыйыллыбытын курдук, “Өлбөт үйэлээх полк” норуот көҕүлээһинин онлайн-акцията ыам ыйын 9 күнүгэр саҕалламыта, ону таһынан күн бүгүҥҥэ диэри «Бессмертный полк России» портал 2020.polkrf.ru сайтыгар онлайн көстө турар. Саамай элбэх сайаапка «Одноклассники» уонна «Вконтакте» социальнай ситимнэртэн киирбит. Манна хас биирдиилэриттэн биирдии мөлүйүөн кэриҥэ киһи кыттар баҕалааҕын биллэрбит.
Тэрийээчиллэр бэлиэтээбиттэринэн, ыам ыйын 9 күнүгэр диэри уопсайа 2 837 681 сайаапка киирбитинэн онлайн хаамыы икки нэдиэлэ устата ыытыллара саарбаҕаланар. Ону таһынан кыттааччылар ыйбыт нүөмэрдэригэр бириэмэтин ыйан туран дьоруой хаартыскатын таһаарар иһитиннэриини биир күн биитэр хас да күн иннинэ биллэриэхтэрэ. Билиҥҥи туругунан кыттааччы ахсаана 534 569 киһиэхэ тэҥнэстэ. Бу «Өлбөт үйэлээх полк» аахсыйа ыытыллыытын — Арассыйа polkrf.ru, Аан дойдутааҕы— polk.press сайтарыгар уонна «Окко» онлайн-киинэ тыйаатырыгар көрүөххэ сөп. Ил Дархан эппитинэн, сэрии кыттыылаахтарын хаартыскаларынан видео таҥыллан, база оҥоһуллуоҕа.
-
0
-
0
-
0
-
0
-
0
-
0
