Издательский дом Редакция Подписка
Погода в Якутске: . 20 oC

Аҕа дойду көмүскээччилэрин күнүн бэлиэтиир уонна Улуу Кыайыы 79 сылын көрсө «Ил Түмэн» издательскай дьиэ «Саха Сирэ умнубат/ ЯкутияПомнит» – электроннай «Өйдөбүнньүк кинигэ» бырайыагы салгыыр.

Аҕа дойду көмүскээччилэрин күнүн бэлиэтиир уонна Улуу Кыайыы 79 сылын көрсө «Ил Түмэн» издательскай дьиэ «Саха Сирэ умнубат/ ЯкутияПомнит» – электроннай «Өйдөбүнньүк кинигэ» бырайыагы салгыыр.

Билигин Саха Сиригэр Бойобуой дьайыылар уонна локальнай сэриилэр кыттыылаахтара 3,5 тыһ. кэриҥэ киһи олорор. Кинилэр үгүстэрэ дойдуга ытык иэстэрин толорбуттарын, сэбилэниилээх иирсээннэргэ кыттыбыттарын, олохторун толук уурбуттарын туһунан соччо ким да билбэт.

Санаттахха, «Өйдөбүнньүк электроннай кинигэ» Аҕа дойду Улуу сэриитин кыттыылаахтарыгар, бэтэрээннэригэр, тыыл үлэһиттэригэр, огдооболоругар, тулаайахтарыгар уонна сэрии оҕолоругар анаммыта. Бу барыта — тыһыынчанан ааттар уонна биографиялар, ахтыылар, кинилэр удьуордарын-сыдьааннарын уонна биир дойдулаахтарын кэпсээннэрэ, Аҕа дойду Улуу сэриитин (1941-1945) кыттыылаахтарын хорсун быһыыларын, дьылҕаларын туһунан кэпсэнэр.

Билигин бырайыак саҥа түһэмэҕэр дьоруойдар өйдөбүнньүктэрэ үс саҥа чааска араарыллан салҕанар:

1. Интернационалист-буойуннар уонна «итии туочукалар»: «Ытык иэс уонна бирисээгэ бэриниилээхтэрэ». Корея, Даманскай, Ангола, Афганистан 1979-1989 сс., «итии туочукалар», Абхазия, Нагорнай Карабах, Таджикистан 1980-1990 сс. локальнай сэриилэр кыттыылаахтара, о.д.а.;

2. Чечня өрөспүүбүүлүкэтин Конституционнай бэрээдэгин чөлүгэр түһэрээччилэр;

3. РФ Сэбилэниилээх күүстэрин анал эпэрээссийэтэ: «Бэйэбит дьоммутун бырахпаппыт».

Урукку курдук, буойуттар тустарынан суруктар официальнай иһитиннэриилэргэ, бэчээт таһаарыыларыгар, дьоруойдар аймахтарын, волонтердар ыыппыт биографическай уонна официальнай дааннайдарыгар олоҕураллар.

Биһиги бырайыакпытыгар Арассыыйа ханнык баҕарар олохтооҕо кыттыан сөп. Билиҥҥи кэмҥэ бойобуой дьайыыларга кыттыбыт чугас эбэтэр билэр дьоҥҥут туһунан иһитиннэриилэри электроннай почтаҕа ыытыҥ: Адрес электронной почты защищен от спам-ботов. Для просмотра адреса в вашем браузере должен быть включен Javascript.;

Бырайыак саҥа «Саха Сирэ умнубат/ЯкутияПомнит» WWW.YAKUTIA-POMNIT.RU саайт сүрүн страницатыгар билсиҥ.

«Хорсун быһыы» сыыппараҕа летопиһа

Хас биирдии саха буойуттарын туһунан чугас аймахтара, дьонноро биэрбит информациялара  биографическай уонна оцифрованнай дааннайдартан турар. Ону тэҥэ ахтыылары, кэпсээннэри ЯкутияПомнит/Саха Сирэ умнубат саайка хас биирдии оскуола үөрэнээччилэрэ уонна бэйэ тэриммит нэһилиэк­тэргэ волонтердар хамсааһыннара киллэриэхтэрин, модерацияҕа ыытыахтарын сөп. Саайка информацияны киллэрии олус чэпчэки:

1.  WWW.YAKUTIA-POMNIT.RU саайтка киирэбит;

2.  «Добавить героя» кнопканы баттыыбыт;

3. Кылгас инструкцияны кытта билсэбит;

4. Саайка регистрацияны ааһабыт;

5. Дьоруой аатын, араспаанньатын, ахтыыны биитэр кини туһунан кэпсээни суруйабыт;

6. Дьоруой хаартыскатын угабыт;

7. Дьоруойу киллэрэр категориятын талабыт, холобур:

-  Интернационалист-буойуннар уонна «итии туочукалар» «Ытык иэс уонна бирисээгэ бэриниилээхтэрэ»,

- Чечня өрөспүүбүүлүкэтин Конституционнай бэрээдэгин чөлүгэр түһэрээччилэр;

- РФ Сэбилэниилээх күүстэрин анал эпэрээссийэтэ: «Бэйэбит дьоммутун бырахпаппыт».

8.Ааптар аатын, араспаанньатын ыйабыт.

9.«Сохранить» кнопканы баттыыбыт уонна модерацияҕа ыытабыт.

Сыыппараҕа киллэрии, Интэриниэт ситимигэр үйэтитии ыытылларыгар бары үлэлэһиэххэ!

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением