Тэрээһиҥҥэ чугас улуустар дэлэгээссийэлэрэ, уопсастыбыннай тэрилтэлэр, ол иһигэр Дьокуускай куоракка баар улуустар түмсүүлэрин сэбиэтэ, уопсайа 5500-тан тахса киһи кыттыыны ылла.
Герман Хатылаев үөрэппит оҕолоро барабааҥҥа охсууларыттан тэрээһин саҕаланна. Ол кэнниттэн эстрада ырыаһыттара сүргэни өрө көтөҕөр ырыалары ыллаатылар.
- Уус Алдан, Ленскэй, Нам, Горнай улуустарын түмсүүлэрин бэрэстэбиитэллэрин кытта
Сыанаҕа улуус аҕа баһылыктарын, Ил Түмэн спикерэ А.И. Еремеев кытары Ил Дархан А.С. Николаев, Дьокуускай куорат баһылыга Е.Н. Григорьев тахсан, эҕэрдэ тыллары эттилэр, Арассыыйа Президенин, аармыйатын өйүүллэрин биллэрдилэр.
Ил Сүбэ уопсастыбаннай тэрилтэ аатыттан Хотугу Кавказка бойобуой дьайыылар кыттыылааҕа А.Г. Колесов уонна саха итэҕэлин сөргүтээччилэртэн биирдэстэрэ, Дыгын оонньууларын үс төгүллээх кыайыылааҕа Иннокентий Макаров тыл эттилэр. Түмүгэр Ил Сүбэ тэрийиитинэн уопсай оһуохай буолла.
Саха Сирэ улуу нуучча норуотун кытары бииргэ буолуохтааҕын туһунан улуу убайбыт Өксөкүлээх Өлөксөй этиитэ бүгүн уһулуччу суолталаах. Арассыыйа уйана-хатана биллэр түгэнэ үөскээбитигэр, Саха Сириттэн сүүстэн тахса боотурдарбыт Украинаҕа тиийэн, байыаннай дьайыыга хорсуннук кытта, устудьуоннарбыт тиийэн, волонтердуу сылдьаллар, Саха Сирин олохтоохторо 7 туоннаттан тахса гуманитарнай көмөнү ыыттылар.
Бүгүҥҥү тэрээһин кыттыылаахтара Украина норуотугар көмө оҥоро сылдьар биир дойдулаахтарбытын өйүүллэрин биллэрдилэр.
Дьокуускай куорат баһылыгын иһинэн
өрөспүүбүлүкэ улуустарын түмсүүтүн
уопсастыбыннай сэбиэтин салайааччы
Иван Неустроев.
-
1
-
0
-
0
-
0
-
0
-
1
