Феодосия Габышева Госдума "төгүрүк остуолугар" кытынна
Издательский дом Редакция Подписка
Погода в Якутске: . 1 oC

Үөрэххэ, култуураҕа, маассабай информация сириэстибэлэригэр уонна уопсастыбаннай тэрилтэлэр дьыалаларыгар Ил Түмэн сис кэмитиэтин бэрэссэдээтэлэ Феодосия Габышева ыам ыйын 17 күнүгэр Биир ньыгыл Арассыыйа” баартыйа норуокка туһуламмыт бырагырааматын олоххо киллэрии чэрчитинэн Судаарыстыбаннай Дуума агроэкологическай үөрэҕи сайыннарыыга анаммыт "төгүрүк остуолугар" кыттыыны ылла.

Үөрэххэ, култуураҕа, маассабай информация сириэстибэлэригэр уонна уопсастыбаннай тэрилтэлэр дьыалаларыгар Ил Түмэн сис кэмитиэтин бэрэссэдээтэлэ Феодосия Габышева ыам ыйын 17 күнүгэр Биир ньыгыл Арассыыйа” баартыйа норуокка туһуламмыт бырагырааматын олоххо киллэрии чэрчитинэн Судаарыстыбаннай Дуума агроэкологическай үөрэҕи сайыннарыыга анаммыт "төгүрүк остуолугар" кыттыыны ылла.

Баартыйа генеральнай сэбиэтин чилиэнэ, Арассыыйа Федерациятын Федеральнай Мунньаҕын Судаарыстыбаннай Дууматын дьокутаата, Арассыыйа Федерациятын Федеральнай Мунньаҕын Судаарыстыбаннай Дууматын аграрнай боппуруостарга кэмитиэтин бэрэссэдээтэлэ Юлия Оглоблина "төгүрүк остуол" модератора буолла.

IMG 5618

Феодосия Габышева дакылаатын Саха Өрөспүүбүлүкэтигэр агро хайысхалаах оскуолалары сайыннарыы 30 сыллаах уопутун туһунан иһитиннэрииттэн саҕалаата.

«1988 сыллаахха СӨ Бырабыыталыстыбатын уурааҕынан маҥнайгы агрооскуолалар тэриллибиттэрэ: Чурапчы улууһун Дириҥэр уонна Сунтаар улууһун Элгээйитигэр. Билиҥҥи кэмҥэ агрооскуолалары өйүүр нуорма-быраап базата оҥоһуллан, эрэгийиэннээҕи парламенынан бигэргэнэн турар. Учуобунньуктар, методическай босуобуйалар таҕыстылар, Саха Сирин төрүт олохтоох норуоттарын үгэс дьарыктарын баһылыырга билиини, сатабылы, үөрүйэҕи сайыннарар үөрэх куурустарын саҥа көрүҥнэрэ киирдилэр», - диэн иһитиннэрдэ Феодосия Васильевна.

Саха Өрөспүүбүлүкэтин  2014 сыл ахсынньы 15 күнүнээҕи «Саха Өрөспүүбүлүкэтигэр үөрэх туһунан» сокуонун  11-с ыстатыйатыгар «агрооскуола» өйдөбүлүн быһаарыыта бэриллэрин туһунан тоһоҕолоон эттэ.

Парламентарий бэлиэтээн эппитинэн, эрэгийиэҥҥэ агрооскуолаларга быраап балаһыанньатын, үбүлээһинин уонна бүддьүөттэн эбии өйөбүлүн уратыларын олохтуур сокуон үлэлиир.

Кини “Тыа хаһаайыстыбатын сайыннарыы туһунан” федеральнай сокуоҥҥа уларытыы киллэрэри туруоруста. Ол курдук, судаарыстыбаннай өйөбүлүнэн туһанар субъектар испииһэктэригэр агрооскуолалары киллэриэххэ наадатын ыйда.

--Урут итинник нуорма баара. Ол чэрчитинэн агрооскуолаларга учаастактарыгар үүнээйи олордоллоругар, сүөһү-сылгы иитэллэригэр наадалаах тиэхиньикэни, араас оборудованиены ылан биэрэрбит. Итинник өйөбүл сөргүтэллэрин туһугар тустаах сокуон 1-кы ыстатыйатыгар “агрооскуола” диэни эбэн биэриэххэ наада, -- диэн эттэ Ил Түмэн дьокутаата, ону бары сэҥээрэ иһиттилэр.

Арассыыйаҕа 2000 сыллартан «Макаренко ааҕыылара» диэн куонкурус ыытыллар. Эһиил 2023 сыл Педагог уонна настаабынньык сылынан биллэриллэрэ былааннанар. Онон сибээстээн бу күрэхтэһиини Саха Өрөспүүбүлүкэтигэр ыытар баҕалаахтар.

“Ол иһин тыа сирин оскуолаларын сайыннарарга туһуламмыт нуорма-быраап аахталарын сааһылыыр, көннөрүүлэри киллэрэр тоҕоостоох”, -- диэн чопчулаата.

Маны тэҥэ Феодосия Васильевна “үлэнэн иитии” диэн өйдөбүлү Арассыыйа сокуонугар бигэргэтэри туруоруста.

Чахчыта да, үлэ кими да буорту гымматаҕа. Үлэлээн иитиллибит көлүөнэ бу олоҕу түстээбитэ. Оттон сылы супту төлөпүөнү тутан олорор ыччат туох-хайдах дьон буола улааталлара биллибэт...

Үөрэҕирии систиэмэтигэр өр кэм үлэлээбит дьокутаат Феодосия Васильевна оруннаах этиитин үрдүкү салалта ылыныа диэн эрэнэбит...

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости