Хаҥалас улууһугар үүт соҕотуопкатынан дьарыктанар түөрт кэпэрэтииптэн биирдэстэрэ, «Хаҥалас-Ас», бородууксуйатын «Ок-сиэ!» диэн брендинэн таһаарар. Кэпэрэтиип сыл саҕаланыаҕыттан 1 095 туонна үүтү тутан астаата, былаана 1 185 туонна. Хаһаайыстыба быйыл астыыр сыаҕын хапытаалынайдык өрөмүөннээбит итиэннэ саҥа астыыр линияны туруорбут.
– Урут 14 эрэ хонукка харайыллар болдьохтоох буолан, бородууксуйабыт ситэ батарыллыбакка маҕаһыыннартан төннөн кэлэрэ, ол охсуута улахан этэ, халтай ночоокко тэбиллэрбит. Оттон билигин 21 суукка устата харайыллар, аһытыллыбыт үүт аһылыгы оҥорор буоллубут, ас-үөл төннөн кэлиитэ биллэрдик аҕыйаата. Бородууксуйабытын улууспут иһигэр уонна Дьокуускай куоракка батарабыт, 250 маҕаһыыны кытары бииргэ үлэлиибит, – диир кэпэрэтиип салайааччыта Сергей Латышев.
Бородууксуйа сылы эргиччи баар буоларын хааччыйан, «Хаҥалас-Ас» технологтара кэлэр өттүгэр бороһуок үүтүнэн эмиэ үлэлииргэ былаанныыллар диэн Тыа хаһаайыстыбатын уонна ас-үөл бэлиитикэтин министиэристибэтин пресс-киинэ суруйар.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин саайта.
-
3
-
0
-
0
-
0
-
0
-
0
