Александр Жирков: "Алтаайдааҕы форум хатыламмат хайысхатын булунуохтаах"
Издательский дом Редакция Подписка
Погода в Якутске: . 19 oC

Саха Өрөспүүбүлүкэтин Ил Түмэнин Бэрэссэдээтэлин бастакы солбуйааччы Александр Жирков Алтаай Өрөспүүбүлүкэтин киинигэр Горно-Алтайск куоракка норуоттар икки ардыларынааҕы Алтаай форумун тэрийэр туһунан сүбэ мунньахха кыттыыны ылла.

Саха Өрөспүүбүлүкэтин Ил Түмэнин Бэрэссэдээтэлин бастакы солбуйааччы Александр Жирков Алтаай Өрөспүүбүлүкэтин киинигэр Горно-Алтайск куоракка норуоттар икки ардыларынааҕы Алтаай форумун тэрийэр туһунан сүбэ мунньахха кыттыыны ылла.

Сүбэ мунньах Алтаай  Өрөспүүбүлүкэтин баһылыга Олег Хорохордин ыҥырыытынан уонна кини салалтатынан тэрилиннэ. 

ef7c8c1d f6d0 432d b9a1 7e03b4e6fc42

Арассыыйа Федерациятын тас дьыалаларыгар миниистирин сүбэһитэ Григорий         Орджоникидзе, Евразия норуоттарын Ассамблеятын генеральнай Сэбиэтин хос бэрэссэдээтэлэ, академик Александра Очирова,  Евразия норуоттарын Ассамблеятын генеральнай сэкирэтээрин солбуйааччы Юлия Петрова, Алтаай Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Эжер Ялбаков, Алтаай Өрөспүүбүлүкэтин Баһылыгын сүбэһитэ Иван Белеков, Тыва Өрөспүүбүлүкэтин Үрдүкү Хуралын Бэрэссэдээтэлэ Кан-оол Даваа, Алтаай Өрөспүүбүлүкэтин Эл Курултайын Бэрэссэдээтэлэ Артур Кохоев, Алтаай Өрөспүүбүлүкэтин Суруйааччыларын сойууһун Бырабылыанньатын бэрэссэдээтэлэ Бронтой Бедюров уо.д.а. кыттыыны ыллылар.

Саха Сириттэн Саха Өрөспүүбүлүкэтин судаарыстыбаннай сүбэһитэ,  РФ норуодунай артыыһа Андрей Борисов, филологическай наука дуоктара, М.К. Аммосов аатынан ХИФУ бэрэпиэссэрэ Василий Илларионов кытыннылар.

71232dcc 215e 4419 ace5 1741ee364f8d 1

Алтаай Өрөспүүбүлүкэтин Баһылыга Олег Хорохордин: “Алтаайдааҕы Форуму тэрийии алтаай тыллаах норуоттарга эрэ буолбакка, норуоттар икки ардыларыгар саҥа гуманитарнай көрүүнү олохтуурга суолталаах буолуоҕа”, -- диэн бэлиэтээтэ. Кини тэрээһин үлэлэри түмүктээн: “Алтаайдааҕы форуму олохтуур анал быһаарыылары ылар таһымҥа кэлэн эрэбит”, -- диэн эттэ.  

Сүбэ мунньахха сүрүн иһитиннэриини оҥорбут Иван Белеков норуоттар икки ардыларынааҕы тэрилтэни тэрийии үлэтэ Арассыыйа Федерациятын уонна кэккэ түүр судаарыстыбаларын таһымыгар өйөбүлү ылбытын бэлиэтээтэ. Дакылаатчыт билиҥҥи кэмҥэ норуоттар икки ардыларынааҕы тэрилтэ концептуальнай хайысхаларын, үлэтин ис хоһоонун чуолкайдыыр кыах үөскээбитин бэлиэтээтэ. Иван Итулович бу тэрилтэ хос тэрийээччилэринэн буоларга        норуоттар икки ардыларынааҕы уонна Арассыыйатааҕы тэрилтэлэр, биллиилээх уопсастыбаннай диэйэтэллэр баҕаларын биллэрбиттэрин иһитиннэрдэ.

Арассыыйа Федерациятын тас дьыалаларга миниистирин сүбэһитэ Григорий Орджоникидзе: «Алтаай – түҥ былыргы култууралар уонна этностар үөскээбит уонна сайдыбыт сирдэрэ буолар, онон Евразия норуоттарын историятыгар ураты суолтаны ылара туох да мөккүөрэ суох чахчы”, -- диэн бэлиэтээтэ. Кини: “Алтаайдааҕы норуоттар икки ардыларынааҕы Форум бастайааннай төрүккэ олоҕуран үөскээһинэ уонна үлэтин саҕалааһына наука, култуура, искусство уобалаһыгар эрэгийиэннэр икки ардыларыгар хардарыта дьайсыыны кэҥэтиигэ уонна норуоттар икки ардыларыгар ыаллыы, доҕордуу сыһыаны бөҕөргөтүүгэ туһаайыллыахтаах», -- диэтэ.

Санаа атастаһыытыгар Александра Очирова, Юлия Петрова, Андрей Борисов, Василий Илларионов уо.д.а. кытыннылар.

Ил Түмэн бастакы вице-спикерэ Александр Жирков Алтаай Өрөспүүбүлүкэтин Баһылыга Олег Хорохордиҥҥа Саха Өрөспүүбүлүкэтин Баһылыга Айсен Николаев эҕэрдэтин тириэртэ.

Александр Николаевич саҥа тэриллэр норуоттар икки ардыларынааҕы тэрилтэ үлэтин сүрүн хайысхаларыгар, ханнык эйгэҕэ ордук ылсан үлэлиэхтээҕэр уонна онтон сиэттэрэн, туох тутуллаах, хайдах таһымнаах буолуохтааҕар этиилэрэ мустубут дьон болҕомтотун тарта:

3148d5e9 ec6d 4837 a8fe 6027dfa34273

 --Аан дойдуга норуоттар икки ардыларынааҕы статустаах улахан да, кыра да, биллэр да, соччо биллибэт да тэрилтэ үгүс. Алтаайдааҕы форум бу тэрилтэлэр үлэлэрин, хайысхаларын хатылыа суохтаах. Ол аата аан дойдуга бэйэтин олохтоох, хатыламмат хайысхатын булунуохтаах. Билигин, судаарыстыбалар, норуоттар икки ардыларыгар улахан тыҥааһыннаах сыһыаннар үөскээбит кэмнэригэр, үгүс норуоттар икки ардыларынааҕы тэрилтэлэр үлэлиир кыахтарын, ситимнэрин сүтэрдилэр, мөлтөөтүлэр. Норуоттар хардарыта өйдөһөр саҥа суолу тобулуохтаахтар, оччоҕуна эрэ сатаныа. Биһиги тэрилтэбит онуоха көмөлөөх буолуох тустаах.

 Сүбэ мунньах кыттыылаахтара Алтаайдааҕы форум сүрүн соругун, үлэтин хайысхатын чопчулаан, аны биирдэ түмсэн, норуоттар икки ардыларынааҕы тэрилтэни олохтуур мунньаҕы тэрийэргэ сүбэлэстилэр.

 Сергей Васильев  

  • 7
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Да, мы не должны быть чужими друг-другу. Дружить, взаимодействовать с народами, которые близки нам по духу и мировоззрению. Александру Николаевичу- махтал!

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Лента новостей

Долган ырыаларыгар уһуйан

"Муусука -- барыбытыгар" диэн бырайыак үгүс элбэх үтүө дьону, саҥа ааттары таһаарда,…
03.07.22 16:29
Лента новостей

Сир аһын хаһан хомуйабыт?

Бэйэ туһатыгар (сииргэ, атыылыырга, бэлэхтииргэ, о.д.а.) сир аһын хомуйар бигэргэммит…
03.07.22 14:13