Хас биирдии улуус бэйэтэ бэрэстэбиитэллээх буолуохтаах
Издательский дом Редакция Подписка
Погода в Якутске: . 11 oC

Саха норуотун кэнгириэһигэр Таатта улууһун Дьохсоҕон нэһилиэгин баһылыга устар ууну сомоҕолуур уус тылынан, оруннааҕы уот харахха чуо этэр дьоҕурунан, уоттаах-төлөннөөх саҥатынан барыларын сөхтөрдө.

Саха норуотун кэнгириэһигэр Таатта улууһун Дьохсоҕон нэһилиэгин баһылыга устар ууну сомоҕолуур уус тылынан, оруннааҕы уот харахха чуо этэр дьоҕурунан, уоттаах-төлөннөөх саҥатынан барыларын сөхтөрдө.

Олоҥхоһут Уот Хойостоон-Кулаковскай хос эһээлээх, Суорун Омоллоон таайдаах, итиэннэ  урусхаллаах 90-с сылларга "Победа" СХПК-ны эспэккэ тутан хаалбыт, сопхуостуу тэрийэн үлэлэппит дириэктэр, СӨ норуотун хаһаайыстыбатын үтүөлээх үлэһитэ Егор Васильевич Захаров диэн аҕалаах бэртээхэй баһылык Петр Захаров олох оҕо сааһыттан “сир түннүгэ” киһи. Былыргыттан саҕалаан, билиҥҥи бэлиитикэҕэ тиийэ барытын ырытан-анааран, тус көрүүлэрин дакаастабыллаахтык кэпсээн, аҕам саастааҕы да, бөлүһүөк бастыҥнарын да, улахан учуонайдары да, уопуттаах салайааччылары да өркөн өйүнэн, санаатын сатаан сааһылаан тиэрдэринэн  астыннарар, кэрэхсэтэр, сэҥээрдэр. Аны нэһилиэгин дьонугар бассаап ситимигэр сонунун суруйара – бэйэтэ туспа ускуустуба.

Дьэ, Кэнгириэскэ кини бу курдук эттэ:

--Тыа сирин кэскилин туһунан кэпсэттибит, дьон сааһыран, сүөһүнү иитэр ыал аччаабытын аҕынныбыт. Өссө биир кыһалҕа баар – тыа сириттэн көһөн барыы. Хаһан эрэ киэркэйэн аҕай олорбут, уонунан оҕону төрөтөн улаатыннарбыт тэлгэһэлэрбит дьиэлэрэ иччитэхсийэн, өтөхсүйэн, түннүктэрэ хаптаһынан саайыллан тураллара -- күннээҕи кыһалҕаҕа кубулуйда. Биһиги төһө да сайдарга баҕалаахпыт иһин, тыабыт сирэ кэхтэр кэрдиитигэр киирэри гынна... Тыа сирин эспэт инниттэн, олох күөстүү оргуйа олорорун курдук, Кэнгириэскэ этиилэрбитин күүскэ киллэриэхпитин наада.

Дьиҥэр, хара маҥнайгыттан хайысхаларынан: “тыа сирэ”, “тыа хаһаайыстыбата”, “үөрэх”, “төрөөбүт тыл”, о.д.а. – диэн арахсан үлэлиэхтээх этибит. 

Иккис кыһалҕа – бэрэстэбиитэллээх уоргаммыт. Ил Түмэҥҥэ 70 дьокутаат оннунан хаалара уураахтаммыта. Дьокуускай куораппытыгар киһи-сүөһү элбээн, икки дьокутаат эбиллэр буолла. Ол аата тыа сириттэн 2 дьокутаат көҕүрээн биэрэр.

 Саха Сиригэр 648 тыһыынча быыбардааччы баар. Ону биир мандааттаах 35 уокурукка түҥэттэххэ, биир уокурукка куоластыыр киһитин ахсаана 18 тыһыынча 456 буолар. Оччотугар Таатта 11 197, Чурапчы 15 тыһ., Мэҥэ Хаҥалас 24 тыһ., Уус Алдан 14 тыһ., Амма 12 тыһ., Томпо 9 тыһыынчаны, Уус Маайа 6 тыһ. кыайбат быыбардааччылаахтар. Эбэн-холбоон аҥаардыырга күһэллэбит. Аны, 35 дьокутаат баартыйа испииһэгинэн талыллар. Бу дьон баартыйа интэриэһин эрэ өрө туталлара чуолкай. Онон хас биирдии улуус бэйэтэ бэрэстэбиитэллээх буолуохтаах диэн этиини киллэрэбит.

 

  • 9
  • 0
  • 1
  • 0
  • 1
  • 1

Комментарии (1)

This comment was minimized by the moderator on the site

Саамай сөптөөх этии, туруорсуу

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33