Госдума ылыммыт саҥа сокуоннара
Издательский дом Редакция Подписка
Погода в Якутске: . -40 oC

Судаарыстыбаннай Дуума сааскы бүтэһик сиэссийэҕэ ылыммыт сокуоннарыттан кылгастык билиһиннэрдэххэ.

Судаарыстыбаннай Дуума сааскы бүтэһик сиэссийэҕэ ылыммыт сокуоннарыттан кылгастык билиһиннэрдэххэ.

  • Судаарыстыбаннай уонна муниципальнай былаастар аны социальнай ситимнэргэ тус страницалаах буолуохтаахтар уонна сокуон таһымнаах сонун информацияны онно таһаарыахтаахтар. Маннык сокуону дьокутааттар II ааҕыыга ылыннылар.
  • Инбэлииттэргэ уонна биэнсийэлээхтэргэ хапытаалынай өрөмүөҥҥэ ороскуоту толуйар сокуон барыла I ааҕыыга ылылынна. Маннык толуйууга хапытаалынай өрөмүөн иһин усунуос төлөбүрүттэн быстах биитэр толору босхолонуу көрүллүөн сөп.
  • РФ территориятыгар урбаанынан дьарыктанарга уонна үлэлииргэ Армения Өрөспүүбүлүкэтин гражданнарын суоппар национальнай дастабырыанньаларын билинии туһунан сокуон барылын дьокутааттар I ааҕыыга ылыннылар.
  • Арассыыйа көрдөрөр-иһитиннэрэр тас дойдулар доҕордуута суох дьайыыларыгар соннук хардарар туһунан сокуон барыла II ааҕыыга ылылынна.Арассыыйа
  • Биэнсийэ пуондатын уонна Социальнай страхование пуондатын биир пуондаҕа холбуур туһунан сокуон барылын Госдума II ааҕыыга ылынна. III ааҕыы 2022 сыл бэс ыйын 5 күнүгэр буолара былааннанар.
  • Оскуолаларга доруобуйаларынан хааччахтаах оҕолору күҥҥэ иккитэ босхо аһатар туһунан сокуон барылын Госдума биир санаанан бигэргэттэ. Мантан ыла доруобуйатынан хааччахтаах хас биирдии оҕо интэринээккэ, оскуолаҕа эбэтэр дьиэҕэ үөрэнэриттэн тутулуга суох, аһылыкка чэпэчтиинэн туһанар буолуоҕа.
  • Бөҕү сокуоннайа суохтук быраҕыы иһин эппиэтинэһи үрдэтэр сокуон барыла III ааҕыыга ылылынна. Сыбаалкаттан уонна анал полигонтан атын сиргэ оҥорон таһаарыы бөҕүн уонна туттуллубут малы сүөкээһин иһин эппиэтинэс тимир көлө конфискациятыгар тиийэ үрдүөҕэ.
  • Үөрэх туһунан сокуонтан “үөрэх өҥөтө” диэн өйдөбүл сотулунна. “Учуутал уһуйуутун өҥө курдук быһаарыы атыы-эргиэн эйгэтин санатар уонна оннук өйдөнөр. Маннык сыһыаны суох гынарга”, - бэлиэтээтэ Ольга Казакова.“Атын дойду сабыдыалыгар сылдьар дьон дьайыытын хонтуруоллуур туһунан” сокуону “Госдума III ааҕыыга ылынна. Хас биирдии дойду инникитин туһунан саныыр буоллаҕына, бэйэтин көмүскэниэхтээх. Биһиги Арассыыйа кэскилин туһунан саныыбыт”, - диэн эттэ Вячеслав Володин.
  • 2023-тэн 2025 сылга диэри больничнай лииһи уонна оҕону көрүү иһин босуобуйа төлөбүрэ 1,5 төгүл улаатыа, - диир Ярослав Нилов. Кини: “Биэнсийэ уонна Страхование пуондаларын холбоһуулара үтүө түмүктэрдээх буолуо”, -- диэн бэлиэтээтэ.
  • I ааҕыыга “Гараас сойууһун туһунан” сокуон барыла ылылынна. Бу холбоһуктарга Дьиэ бас билээччилэрин табаарыстыбатын быраабын  (ТСЖ) биэриэхтэрин сөп. Парламентарийдар гараас холбоһуктарын үлэлэрин тэрийии боппуруостарын, итиэннэ чилиэннэрин бырааптарын, эбээһинэстэрин бары өттүнэн бэрээдэктиир наадатын бэлиэтээтилэр.
  • Бойобуой дьайыы бэтэрээннэригэр төлөбүрү кирэдьиит иэһин иһин устуутуттан көмүскүөхтэрэ. II уонна III ааҕыыга «Об исполнительном производстве» сокуоҥҥа көннөрүүлэр ылылыннылар.
  • Омук сирин агеннарын туһунан көннөрүүлэр II ааҕыыга ылылыннылар. Докумуон этэринэн, омук агеннара судаарыстыбаттан үбүлэммэт уонна судаарыстыба харчытынан атыыласпат буолуохтара. Ону тэҥэ, омук агеннарынан билиниллэр кыахтара суох субъектар чопчуланнылар.
  • Суверенитеты көмүскээһин Конституция эбээһинэһэ буолар. “Дойдубут кыаҕын уонна көҕүн иһиттэн мөлтөтөөрү гынар дьону киллэримиэххэ”, - диэтэ Куттала суох буолуу уонна хоруупсуйаны утарыы кэмитиэтин бэрэссэдээтэлэ Василий Пискарев. Сокуон барылын III ааҕыыта бэс ыйын 29 күнүгэр ананна.
  • «Эрэһиинэ» кыбартыыралары утары охсуһар сокуон ылылынна. “Эрэһиинэ” – ол аата кыра иэннээх кыбартыыраҕа элбэх киһини пропискалааһын. Уопсай бас билии муҥутуур кыччаабыт өлүүтэ биир киһиэхэ 6 кыбадыраат миэтэрэҕэ тэҥнэһиэҕэ.I
  • II ааҕыыга гражданнар бэйэлэрин наадаларыгар сад уонна оҕуруот үүннэрэллэригэр үөскүүр корпоративнай уонна сиргэ-баайга сыһыан бэрээдэктээһинин тупсарар сокуону Госдума ылынна. Сокуон сад үүннэрэр табаарыстыба чилиэннэрин уопсай мунньахтарыгар быһаарыыны сирэйтэн-кэтэхтэн ылынары судургутутар. “Сад үүннэрээччилэр льготалара оннунан хаалыахтара уонна улаатыахтара”, - диэн биллэрдэ профильнай кэмитиэт бэрэссэдээтэлэ Владимир Кашин.
  • Үйэлээх уот (Вечный огонь) уонна Кэриэстэбил уот умайарыгар гааһы төлөбүрэ суох биэрии операциятын нолуоктан, ону таһынан, нэһилиэнньэни ситэри гаастааһын чэрчитинэн өҥөлөрү эбии сыанаҕа нолуоктан босхолуур уларытыылары РФ Нолуок кодексыгар киллэрии туһунан сокуон барыла иккис ааҕыыга ылылынна.
  • Этиловай испиири, алкоголлаах уонна испиирдээх бородууксуйаны оҥорон таһаарыыга уонна туһаныыга лиссиэнсийэ биэрэр бэрээдэги чопчулуур сокуону Госдумаҕа ылыннылар. Аны оҥорон таһаарааччылар арыгы ырыынагын бэрээдэктиир федеральнай сулууспа булбут сокуону кэһиитин туоратыыга 30 күннээх болдьохтоох буолуохтара.
  • Гражданнар булт саатын арендалаһар кыахтарын туһунан сокуон барыла II ааҕыыга ылылынна. Көҥүл 5 сылга бэриллиэҕэ, арендаҕа ылыллыбыт сааны булка туһаныахха сөп буолуоҕа.
  • Москубаҕа реновация бырагырааматын түргэтэтэр сокуон барыла Судаарыстыбаннай Дуума бастакы ааҕыытыгар ылылынна. Сокуону таһаарааччылар саҥа дьиэни бас билэр быраап көһүүтүн туһунан дуогабары түһэрсии болдьоҕун 90 күнтэн 30 күҥҥэ (бас билээччи докумуон бырайыагын ылыаҕыттан) диэри кыччатар туһунан этии киллэрдилэр
  • .Бастакы ааҕыыга доброволец (волонтер) үтүөнү оҥорор үлэтин сыалларын уонна быраабын кэҥэтэр туһунан сокуон барыла биир санаанан ылылынна. Ол аата, волонтердуу сылдьан эмсэҕэлээбит доброволецтарга толуйар төлөбүр бэриллиэҕэ. “Волонтердар туох да манньаны көрдөөбөккө, дьоҥҥо көмөлөһөөрү сэрэхтээх үлэҕэ үлэлииллэр. Судаарыстыба итиннэ хардаран, кыһамньытын көрдөрүөхтээх уонна оһоллонуу, ыарыы эбэтэр атын содул түмүгэр кинилэр соҕотох хаалбаттарын туһунан бигэ санааны биэриэхтээхпит”, - диэн биллэрдэ Артем Метелев.
  • 2022 сыл олунньу 24 күнүттэн Украинаҕа, Донецкайдааҕы Норуодунай Өрөспүүбүлүкэҕэ уонна Луганскайдааҕы Норуодунай Өрөспүүбүлүкэҕэ анал байыаннай операция кэмигэр сорудаҕы толорууну хааччыйыыга кыттыыны ылбыт дьоҥҥо бойобуой дьайыы бэтэрээнин статуһун бигэргэтии туһунан сокуон барыла I ааҕыыга ылылынна.
  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Спецпроекты

Саха Сирин «Олохтоох каадырдары промышленноска» бырайыага эдэр ыччаты үлэнэн хааччыйыы бастың практикаларын Бүтүн Россиятааҕы куонкуруhун финалыгар таҕыста

«Олохтоох каадырдары промышленноска» ѳрѳспүүбүлүкэтээҕи бырайыак ыччаты үлэнэн хааччыйыы…
07.12.22 20:49