Олоҥхо - Саха Сирин баайа
Издательский дом Редакция Подписка
Погода в Якутске: . 1 oC

Бүгүн Саха Өрөспүүбүлүкэтин Ил Дарханын иһинэн Олоҥхо Национальнай тэрийэр кэмитиэтин мунньаҕа буолла. Тэрээһиҥҥэ төрүт үгэстэри илдьэ сылдьааччылары өйүүр миэрэлэр уонна эһиилги Олоҥхо Ыһыаҕын тэрийэр боппуруостар көрүлүннүлэр.

Бүгүн Саха Өрөспүүбүлүкэтин Ил Дарханын иһинэн Олоҥхо Национальнай тэрийэр кэмитиэтин мунньаҕа буолла. Тэрээһиҥҥэ төрүт үгэстэри илдьэ сылдьааччылары өйүүр миэрэлэр уонна эһиилги Олоҥхо Ыһыаҕын тэрийэр боппуруостар көрүлүннүлэр.

Саха Өрөспүүбүлүкэтин Ил Дархана бэс ыйын 20 күнүгэр "Олоҥхо дьиэлэрин кэлим ситимин оҥорууга уонна олоҥхоһуттары, оһуохайдьыттары, уустары - төрүт үгэстэри илдьэ сылдьааччылары өйөөһүн миэрэлэрин туһунан" Ыйаахха илии баттаабыта. Олоҥхо кэмитиэтин бэрэссэдээтэлэ Александр Жирков СӨ Култуураҕа министиэристибэтин судаарыстыбаннай сүбэһитигэр Андрей Борисовка уонна СӨ Бырабыыталыстыбатын бэрэссэдээтэлигэр Сергей Местниковка бу Ыйаах олоххо киирэригэр өҥөлөрүн иһин махтанна.

IMG 20220722 WA0016

Билиҥҥи туругунан, өрөспүүбүлүкэ иһигэр 11 Олоҥхо Дьиэтэ баар. Олор өссө да элбии туруохтара. Александр Жирков бэлиэтээбитинэн, бу дьиэлэр ахсааннарын элбэтиигэ эрэ буолбакка, үп-ас, харчы өттүнэн хааччыллыыларыгар болҕомтону ууруохха наада. Ону тэҥэ Олоҥхо Дьиэлэрин ис хоһооннорун, тутуһар көрүктэрин эмиэ учуоттуохтаахпыт.

IMG 20220722 WA0010

Төрүт үгэстэри харыстыырга уонна сайыннарарга үлэлэһэр дьон ахсааныгар олоҥхоһуттар (сахалыы олоҥхону эрэ буолбакка, атын төрүт омуктар эпостарын толорооччулар манна эмиэ киирсэллэр), оһуохайдьыттар, тимир уустара киирэр буолуохтара. Ол курдук, Саха Сирин 7 бастыҥ олоҥхоһутугар, оһуохайдьытыгар уонна тимир ууһугар ый аайы 30 тыһ. солкуобайдаах истипиэндьийэ ананар буолуоҕа.

IMG 20220722 WA0007

Эһиил, тымныы чыпчаалыгар, Өймөкөөн улууһугар ыытыллар Олоҥхо Ыһыаҕын тэрийии мунньах иккис көрүллүбүт боппуруоһунан буолла. Өймөкөөн улууһун баһылыга Иннокентий Сивцев ыһыахха бэлэмнэнии хайдах бара турарын иһитиннэрдэ. Кини эппитинэн, Олоҥхо Ыһыаҕын чэрчитинэн сылгыһыттар бэстибээллэрэ уонна төрүт култуура бэстибээлэ ыытылыахтаахтар. Улууска киириигэ ыалдьыттары көрсөргө анаан хаартыскаҕа түһэр зоналар, сынньанар сирдэр оҥоһуллуохтара. Ону сэргэ улуус бэлиэ сирдэринэн туристическай маршруттар тэриллиэхтээхтэр. Улуус баһылыга тоһоҕолоон эппитинэн, бу Өймөкөөн ыһыаҕа эрэ буолбакка, Саха Сирин 7 хотугу улууһун барытын түмэр киэҥ хабааннаах ыһыах буолуоҕа. Онон өрөспүүбүлүкэбит хотугу омуктарын олоҥхоһуттара эпостарын төрүт тылларынан толоруохтара. Олоҥхо Ыһыаҕа Өймөкөөн улууһун Томтор нэһилиэгэр 2023 сыл от ыйын 1-2 күннэригэр ыһыллыахтаах. 

IMG 20220722 WA0014

СӨ Култуураҕа уонна духуобунай сайдыыга миниистирэ Юрий Куприянов ыһыахха анаан тутуллуохтаах эбийиэктэр тустарынан эттэ. Ол курдук, хотугу омуктар сиэрдэрин-туомнарын толорорго анаммыт тутууларга болҕомто ууруллар. Сиэр-туом эбийиэктэригэр Олоҥхо түһүлгэтэ, Моҕол ураһа, Ураһа ампаар, Тойон аан курдуктар киирэллэр. Ону кытта санитарнай эбийиэктэри тутууга регламеҥҥа уларытыылары киирдилэр. Ону таһынан, култуура миниистирэ тэрээһиннэргэ анаммыт харчы сууматын 8 930 000 солкуобайтан 12 000 000 солкуобайга диэри үрдэтэргэ этии киллэрдэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости